या…राज्यात आहेत सर्वाधिक मद्यपी महिला

0
333

नवी दिल्ली(एंजसी) : महिन्याच्या सुरुवातीला केंद्रीय आरोग्य आणि कुटुंब कल्याण मंत्रालयाने २०१९-२० मध्ये जाहीर केलेल्या आकडेवारीनुसार, आसाममध्ये १५ ते ४९ वर्षे वयोगटातील २६.३% महिलांनी सर्व राज्ये आणि केंद्रशासित प्रदेशांपेक्षा जास्त मद्यपान करतात. या विभागातील राष्ट्रीय आकडा १.२% एवढा आहे.या यादीत जम्मू-काश्मीरमधील आकडा २३% आहे. मेघालय ८.७% सह तिसऱ्या क्रमांकावर आहे. अन्य सर्व राज्ये व केंद्रशासित प्रदेशांची आकडेवारी १०% पेक्षा कमी आहे. अहवालामध्ये नॅशनल फॅमिल हेल्थ सर्व्हे-४ ची आकडेवारी सामील करण्यात आली आहे. ही आकडेवारी २०१५-१६ मध्ये तयार करण्यात आली आहे, तर २०१८-१९ साठी असलेला नॅशनल फॅमिली हेल्थ सर्व्हे-५ अहवाल जाहीर व्हायचा आहे.
यापूर्वीच्या सर्व्हेतील आकडेवारी

नॅशनल फॅमिल हेल्थ सर्व्हे-३ जो २००५-०६ मध्ये करण्यात आला होता, यानुसार, आसाममध्ये १५ ते ४९ या वयोगटात फक्त ७.५% महिला दारूचे सेवन करत होत्या. याबाबतीत आसामच्या आधी ५ राज्ये यादीत सहभागी होती. यात अरुणाचल प्रदेश ३३.६%, सिक्किम १९.१%, छत्तीसगढ ११.४%, झारखंड ९.९% व त्रिपुरा ९.६% होते. आसामचा आकडा नॅशनल फॅमिली हेल्थ सर्व्हे-३मध्ये ७.५% वाढून नॅशनल फॅमिली हेल्थ सर्व्हे-४ मध्ये २६.३ % झाला होता. अरुणाचल प्रदेशाच्या आकडेवारीत ३.३% पर्यंत घट पाहायला मिळाली. याशिवाय सिक्किममध्ये ०.३%, छत्तीसगडमध्ये ०.२%, झारखंडमध्ये ०.३% व त्रिपुरापर्यंत ०.८% पर्यंत आकडेवारीत घट आली आहे.

पुरुषांचे प्रमाण=जर महिला आणि पुरुषांची तुलना केली तर आसाममधील १५-४९ वयोगटातील ३५.६% पुरुष मद्यपान करतात. ही राष्ट्रीय आकडेवारी २९.२% आहे. या यादीत अरुणाचल प्रदेशाच्या ५९% पुरुषांचा समावेश आहे.

तंबाखू सेवनाचे प्रमाण-=रिपोर्टमध्ये नमूद करण्यात आले आहे की, आसाममध्ये ४४.८% महिला (ज्या दारूचे सेवन करतात)ज्या ३५%च्या राष्ट्रीय आकडेवारीच्या तुलनेत आठवड्यात एकदाच सेवन करतात. तसेच आसाममधील पुरुषांची आकडेवारी ५१.९ टक्के आहे व राष्ट्रीय आकडेवारी ४०.७% आहे. आसाममध्ये १५-४९ वयोगटातील पुरुष व महिलांमध्ये तंबाखू सेवनाची आकडेवारी १७.७% व ६०% नोंदविण्यात आली आहे. याविषयीची राष्ट्रीय आकडेवारी ६.८% व ४४.५% आहे.