युवा फलंदाज ऋतुराज गायकवाडने सोमवारी इतिहास रचला. विजय हजारे ट्रॉफीमध्ये महाराष्ट्राकडून खेळणाऱ्या गायकवाडने उत्तर प्रदेशविरुद्धच्या सामन्यात एका षटकात सात षटकार ठोकले. मर्यादित षटकांच्या क्रिकेटमध्ये हा पराक्रम करणारा तो पहिला फलंदाज ठरला आहे.
महाराष्ट्राच्या डावाच्या 49व्या षटकात गायकवाडने हा पराक्रम केला. शिवा सिंगच्या या षटकात एक चेंडू नो बॉल होता. अशा प्रकारे हे षटक सात चेंडूंचे होते आणि गायकवाडने या सातही चेंडूंवर षटकार ठोकले.त्याने एका षटकात एकूण 43 धावा केल्या. या डावात त्याने 159 चेंडूत 220 धावा केल्या. गायकवाडने या खेळीत 10 चौकार आणि 16 षटकार मारले.
महाराष्ट्राने केल्या 330/5 धावा
गायकवाडच्या या खेळीमुळे महाराष्ट्राने 50 षटकांत पाच गडी गमावून 330 धावा केल्या. गायकवाडने या डावात सलामी दिली होती. त्याच्याशिवाय महाराष्ट्राच्या अन्य कोणत्याही फलंदाजाला अर्धशतकही करता आले नाही. या स्पर्धेतील शेवटच्या 8 डावांमधील ऋतुराजचे हे सहावे शतक आहे. यावरून त्याच्या सर्वोत्तम फॉर्मचा अंदाज लावता येतो. IPL मध्ये तो चेन्नई सुपर किंग्जचा महत्त्वाचा भाग होता. 25 वर्षीय ऋतुराजचे लिस्ट-ए कारकिर्दीतील हे 13वे शतक आहे
अंकित बावणे आणि अझीम काझी यांनी 37-37 धावांची खेळी केली. उत्तर प्रदेशकडून वेगवान गोलंदाज कार्तिक त्यागीने 66 धावांत सर्वाधिक तीन बळी घेतले.
यूपी संघात IPL खेळलेले 4 गोलंदाज
असे नाही की गायकवाड याने कोणत्याही हलक्या गोलंदाजी संघाविरुद्ध आक्रमक फलंदाजी केली. विशेष म्हणजे सामन्यात खेळलेल्या यूपी संघात IPL खेळलेले चार गोलंदाजही खेळत होते. यामध्ये अंकित राजपूत, शिवम मावी, कार्तिक त्यागी आणि करण शर्मा यांचा समावेश आहे.
लिस्ट A क्रिकेटमध्ये दुसऱ्यांदा एका षटकात 43 धावा
एका षटकात 43 धावा झाल्याची लिस्ट A क्रिकेटमधली ही दुसरी वेळ आहे. यापूर्वी 2018-19 मध्ये न्यूझीलंडच्या देशांतर्गत क्रिकेटमध्ये असे घडले होते. त्यानंतर सेंट्रल डिस्ट्रिक्टचा गोलंदाज विलेम लुडिकने एका षटकात 43 धावा दिल्या.त्या षटकात लुडिकने दोन नो-बॉल टाकले आणि नॉर्दर्न डिस्ट्रिक्टचे फलंदाज जो कार्टर आणि ब्रेट हॅम्प्टन यांनी मिळून सहा षटकार ठोकले. त्या षटकात 1 चौकार आणि 1 सिंगलही झाले.