नारायणपूर–छत्तीसगडमधील नारायणपूर जिल्ह्यात इंडो तिबेटीयन बटालियनच्या जवानावर माओवाद्यांनी गोळीबार केला आहे. या हल्ल्यात दोन जवान शहीद झाले आहे. अचानक झालेल्या या हल्ल्यात जवानांनी जोरदार प्रत्युत्तर दिले. मात्र, या हल्ल्यात दोन जवान शहीद झाले. हल्ल्यानंतर माओवाद्यांनी जवानांच्या एके 47 बंदुकीसह वाकीटॉकी लुटून नेली.
या हल्ल्यात आईटीबीपीचे जवान सहायक सेनानी सुधाकर शिंदे आणि गुरमुख सिंह शहीद झाले आहे. सुधाकर शिंदे हे नांदेड येथील रहिवासी होते. आज दुपारी 12.10 वाजेच्या सुमारास हा हल्ला झाला. जवळपास 600 मीटर दूर दबा धरून बसलेल्या माओवाद्यांनी जवानांच्या ताफ्यावर गोळीबार केला. महाराष्ट्राच्या सुपुत्राला माओवाद्यांशी लढा देताना वीरमरण आले आहे. जवानांनी घटनास्थळाचा ताबा घेतला असून सर्च ऑपरेशन सुरू आहे.
