गोंदिया,दि. 23 जानेवारी : उपप्रादेशिक परिवहन विभाग व वाहतूक विभागाच्या संयुक्त विद्यमाने 36 व्या रस्ता सुरक्षा सप्ताहानिमित्त विविध कार्यक्रमाचे आयोजन करण्यात आले होते.या कार्यक्रमाचा समारोप २२ जानेवारीला जिल्हाधिकारी प्रजित नायर यांच्या प्रमुख उपस्थितीत पार पडला.या सप्ताहानिमित्त गोंदियात बाईक रॅली, सायकल रॅली, त्याचप्रमाणे वाकेथॉन करून वॉक ऑन राईट वे अशी जनजागृती करून वाहन चालवताना वाहन चालकांनी कोण कोणत्या नियमाचे पालन करणे फार गरजेचे आहे, सुरक्षेच्या उपाययोजना, त्याचबरोबर हेल्मेट वापरण्याचे महत्व समजावून सांगण्यात आले.समारोपीय कार्यक्रमात येथील उपप्रादेशिक परिवहन विभागाच्यावतीने हेल्मेटचे वितरण करण्यात आले.यावेळी उपप्रादेशिक परिवहन अधिकारी केसकर,वाहतूक शाखेचे पोलीस निरिक्षक नागेश भाष्कर यांच्यासह इतर मान्यवर उपस्थित होते.
रस्ता सुरक्षा सप्ताहाच्या निमित्ताने उपप्रादेशिक परिवहन विभागातल्या लोकांच्या वाहतूक सुरक्षे संबंधी जनजागृती करता पटनाट्य पासून विविध उपक्रम राबविताना सर्वसामान्य लोकांना वाहतुकीचे नियम सुद्धा कळावे याकरता सुद्धा विविध उपक्रम राबविण्यात आले. आणि या कार्यक्रमाचे समापन निमित्त हेल्मेट वापरणे किती गरजेचे आहे असे पटवून देताना, हेल्मेट संबंधी जनजागृती करण्याच्या उद्देशाने हेल्मेटचे वितरण उपविभागीय कार्यालयासमोर करण्यात आले.
जिल्हाधिकारी प्रजित नायर यांच्या हस्ते कॉलेजचे विद्यार्थी, आणि गरजू नागरिकांना हेल्मेटचे वितरण केले गेले. त्याचबरोबर नियमाचे पालन करून आजवर कधीही नियमाचे उल्लंघन न करणारे असे ऑटो चालकांचा सुद्धा सन्मान करत त्यांना प्रशस्तीपत्र देण्यात आले, यावेळी उपप्रादेशिक परिवहन विभागाचे अधिकारी कर्मचारी उपस्थित होते.