गोंदिया- जिल्हा परिषदेतंर्गत येत असलेल्या लघु सिंचन विभागात सध्याच्या घडीला माजी मालगुजारी तलावांच्या खोलीकरणासह दुरुस्तीच्या कामांनी वेग घेतला आहे.शासनाकडून त्या अंदाजे ४०० ते ५०० कामांना प्रशासकीय मंजूरी मिळाली असली तरी त्या कामांना जी महत्चाची मंजूरी असते ती तांत्रिक मंजुरी मात्र अद्यापही दिली गेली नसल्याचे वृत्त आहे.तांत्रिक मंजुरी न देताच कामांची निविदा काढून वर्क आर्डर देत त्या कांमाना सुरवात करण्यात आली आहे.३१ मार्च २०२५ पर्यंत ती कामे कशापध्दतीने पुर्ण करता येतील याकरीता कंत्राटदारांना कामाची गती वाढविल्याचे दिसून येत असले तरी ३१ मार्चपुर्वी ही कामे पुर्ण होणे अशक्य असल्याचे दिसून येत आहे.त्यामुळे सदर कामांना मुदत वाढ देण्याकरीता लघुसिंचन विभाग पुढाकार घेण्याची शक्यता नाकारता येत नाही.
लघुसिंचन विभागाच्यावतीने जी ४०० ते ५०० कामे हाती घेण्यात आले,त्याकरीता माहितीनुसार १५० ते २०० कोटी रुपये शासनाने मंजुर केले आहेत.ही कामे सर्वकंष निधी अंतर्गत मामा तलाव पुनरुज्जीवन योजनेंतर्गत करण्यात येत आहेत.या कामांचे अदांजपत्रक हे गेल्या दिड दोन वर्षापासून तयार होते.त्या कांमांना सहा महिन्यापुर्वी शासनाने मंंजुरी दिल्याचे बोलले जात आहे.त्यानुसार जरी ही कामे करण्यात येत असली तरी तांत्रिक बाबीची पुर्तता पुर्ण का करण्यात आली नाही अशा प्रश्न उपस्थित होऊ लागला आहे.जर तांत्रिक मंजुरीच या कामांना मिळाली नसेल तर ती कामे कुठल्या नियमातंर्गत करण्यात येत आहेत,याचा शोध घेण्याची वेळ जिल्हा परिषदेच्या प्रशासकीय प्रमुखावर आली आहे.
