विदर्भाच्या रेल्वे मध्य रेल्वेला जोडा

गोंदिया : गोंदिया, भंडारा, गडचिरोली, नागपूर व चंद्रपूर हे बिलासपूर झोनमध्ये आहेत. येथील लोकप्रतिनिधीना समस्या सोडविण्यासाठी बिलासपूर व छत्तीसगड येथे जावे लागते. या जिल्ह्यांना मुंबई मुख्यालय असलेल्या मध्य रेल्वेला जोडण्यात यावे, अशी मागणी डेली रेल्वे मूवर्स असोसिएशनचे अध्यक्ष गोपाल अग्रवाल व विष्णू शर्मा यांनी केंद्रीय गृहराज्यमंत्री हंसराज अहीर यांना केली आहे.
विदर्भातील रेल्वे प्रवाशांसोबत बिलासपूर झोन भेदभाव करते. दक्षिण-पूर्व-मध्य रेल्वे व दुर्गपासून ४0-४0 जोडी एक्सप्रेस दररोज सोडल्या जातात. रायपूर,कोरबा, रायगड, देवरा रोड येथून दररोज ६ ते १२जोड्या एक्सप्रेस सोडल्या जातात. हे सर्व स्टेशन छत्तीसगडमध्ये आहे. परंतु विदर्भात येणार्‍या चांदापोर्ट, वडसा, नागभिड, इतवारी, भंडारा, गोंदिया या स्टेशनवरून एकही एक्सप्रेस १५ वर्षापासून प्रस्तावित करण्यात आली नाही. त्यामुळे या रेल्वे स्थानकाचा विकास होऊ शकला नाही. गोंदिया येथून महाराष्ट्र एक्सप्रेस व विदर्भ एक्सप्रेस सोडल्या जातात. परंतु या दोन्ही गाड्या बिलासपूर झोनच्या नाहीत. पंतप्रधानानी बिलासपूर-नागपूर सुपरफास्ट आतापर्यंत सुरू केली नाही. तिसरी रेल्वे लाईन आज ही छत्तीसगडमध्ये तयार करण्यात आली.