गडचिरोली, दि.२०: सिरोंचा तालुक्यातील पातागुडम पोलिस मदत केंद्रांतर्गत पेडलाया जंगलातून पोलिसांनी काल नक्षल्यांचा मोठा शस्त्रसाठा जप्त केला.काल पातागुडम व देचलीपेठा येथील क्यूआरटी पथकाचे जवान संयुक्तरित्या नक्षलशोध मोहीम राबवीत असताना त्यांना पेंडलाया जंगलात ४ भरमार बंदुका व १४ जीवंत काडतुसे आढळून आली. अज्ञात नक्षल्यांविरुद्ध असरअली पोलिस ठाण्यात गुन्हा दाखल करण्यात आला असून, परिसरात नक्षलविरोधी अभियान तीव्र करण्यात आले आहे.
