सन्मान योजनेचा पहिला हप्ता बँक खात्यात पोहोचलाच नाही

गोरेगाव,दि. १८ः शेतकरी हितासाठी पंतप्रधान शेतकरी सन्मानविधी योजना सुरू केली गेली. या योजनेसाठी गोरेगाव तालुक्यातील १४ हजार ५८२ शेतकरी पात्र ठरले.मात्र जबाबदार अधिकारी, कर्मचार्यांच्या निष्काळजीपणामुळे १० महिन्यांचा कालावधी लोटूनही ७ हजार ६६१ शेतकर्यांच्या बँक खात्यात पहिला हप्ता २ हजार रूपये जमा करण्यात आला नाही. पंतप्रधान शेतकरी सन्माननिधी योजनेची अंमलबजावणी करण्याची जबाबदारी केंद्र शासनाने जिल्ह्याधिकारी व तहसीलदारांना सोपविली. त्यामुळे तालुक्यात तलाठी, ग्रामसेवक, कृषी सहायक यांनी सर्वेक्षण करून १८ हजार ३१३ शेतकरी लाभाथ्र्यांच्या यादीसह आवश्यक असलेल्या दस्तऐवजाची सत्यप्रत,दुय्यम प्रत तहसीलदारांना दिली. यातून ३ हजार ७३१ शेतकर्यांना अपात्र ठरविण्यात आले. १४ हजार ५८२ प्रस्ताव मंजूर करण्यात आले. परंतु, अधिकारी, कर्मचार्यांच्या निष्काळजीपणामुळे ७ हजार ६६१ गरजू पात्र
लाभार्थी  शेतकर्यांच्या बँक खात्यावर पहिला हप्ता २ हजार रूपये जमा करण्यात आला नाही. ही घोडचूक सर्वेक्षण करणार्या तलाठी, ग्रामसेवक कृषी सहायक यांची की, शेतकNयांची असा प्रश्न शेतकर्यांनी उपस्थित केला आहे.