अर्जुनी मोरगाव,दि.17 : भारतीय स्वातंत्र्य लढ्यात आदिवासी जननायक बिरसा मुंडा यांचा जन्म १५ नोव्हेंबर १८७५ रोजी रांची जवळील लिहतू खेडेगावात झाला. याच बालकाने लढवय्या न्याय हक्कासाठी मोठा लढा जे महान कार्य केले त्याला तोड नाही. त्यामुळे बिरसा मुंडा यांना आदिवासी जननायक हा किताब जनतेने बहाल केला. घरच्या गरिबीमुळे त्यांना इंग्रजी माध्यमाच्या चाईबासा इंग्लिश मिशनरी स्कूलमध्ये शिक्षणाची संधी मिळाली. इंग्रजी शिक्षणामुळे त्यांच्यावर आधुनिक विचारांचा प्रभाव पडला. परंतु त्यांना भारतीय संस्कृतीचा मनस्वी अभिमान होता व तो त्यांनी निरंतर जपला. नौतिक आचरणाची शुद्धता व एकेश्वारवादाचा त्यांनी पुरस्कार केल्याचे प्रतिपादन राष्ट्रवादी काँग्रेस पक्षाचे मनोहर चंद्रिकापुरे यांनी केले.भिवखिडकी येथे क्रांतिवीर बिरसा मुंडा यांच्या पुतळ्याच्या अनावरणप्रसंगी अध्यक्षस्थावरून ते बोलत होते. कार्यक्रमाचे उद्घाटक मा. खासदार मधुकर कुकडे यांनी केले. कार्यक्रमाचे अध्यक्ष मनोहर चंद्रिकापुरे हे होते तर प्रमुख अतिथी म्हणून किशोर तरोणे, अरविंद शिवणकर, प्रमोद लांजेवार, नाजूकताई कुंभरे, कविता गेडाम, नीलकंठ बोरकर, अरविंद नागपुरे, मोसमी बोरकर, हेमकृष्ण संग्रामे आदी मान्यवर उपस्थित होते..
चंद्रिकापुरे पुढे म्हणाले, ज्या प्रमाणे बिरसा मुंडा यांनी शिक्षण घेऊन ब्रिटिशांच्या रणनीतीविरुद्ध बंड फुकारला त्याचप्रमाणे आता आपण आदिवासी समाजातील युवकांनी शिक्षण घेतले पाहिजे. शिक्षण काळाची गरज आहे. शिक्षणाशिवाय नोकऱ्या मिळत नाही. डॉ. बाबासाहेब आंबेडकर यांनी ओबीसी, एससी प्रवर्गाप्रमाणेच एसटी प्रवर्गालासुद्धा कलम ३४२ नुसार आरक्षण दिले आहे. त्याचा फायदा आपण घेतला पाहिजे. आपण आपले धेय्य धोरणे समजून घेतले पाहिजे. जे आपल्यावर अन्याय करत असतील त्यांच्याविरूद्ध बंड फुकारला पाहिजे. गावामध्ये सुसंघटित राहून समाजाच्या उद्धाराकरिता आपण प्रयत्न केला पाहिजे. ज्या प्रमाणे आपण आपले आदर्श बिरसा मुंडा यांचा पुतळा उभारला त्याचप्रमाणे वाचनालय तयार करून त्यात स्पर्धात्मक परीक्षांचे पुस्तके ठेवावे. यावेळी खासदार मधुकर कुकडे, किशोर तरोणे, प्रमोद लांजेवार, लोकपाल गहाणे यांनीही मार्गदर्शन केले. कार्यक्रमाचे प्रास्ताविक राजकुमार गेडाम यांनी केले. संचालन योगेश मडावी यांनी केले तर आभार सुनील कोडापे यांनी मानले.
धानोरी येथे बिरसा मुंडा स्मारकाचे बांधकामाचे भूमिपूजन मा. खासदार मधुकर कुकडे यांच्या हस्ते व मा. मनोहर चंद्रिकापुरे प्रदेश प्रतिनिधि राष्ट्रवादी कांग्रेस पार्टी यांच्या अध्यक्षतेत करण्यात आले. उपस्थितीतांना मार्गदर्शन करतांना खासदार मधुकर कुकडे, मनोहर चंद्रिकापुरे प्रदेश प्रतिनिधि राष्ट्रवादी कांग्रेस पार्टी ,गंगाधर परशुरामकर गट नेते जि.प.गोंदिया, रमेश चुरे जि.प.सदस्य, अविनाश काशिवार सभापति कृ.उ. बा.स., सुधाकर पंधरे पं.स.सदस्य, प्यारेलाल पारधी सरपंच उपस्थित होते.
