गोंदिया ,दि.२१: वन्यजीवांची सुरक्षा व त्यांचे संरक्षण करण्यासाठी वन विभाग दरवर्षी कोट्यवधी रुपयांच्या निधीची तरतूद करते. या निधीतून वन्यजीवांच्या सुरक्षेला धोका पोहचू नये, यासाठी वन विभागातील अधिकारी व कर्मचार्यांना सूचनाही देण्यात येतात. मात्र, गोंदिया जिल्ह्यातील वन्यजीवांचा विचार केल्यास अपघात व शिकार ही बाब नित्याचीच झाली आहे. त्यातच या महिन्यात शेंडा परिसरात पुन्हा एका बिबटचा मृत्यू झाल्याची घटना आज (दि.२१) उघडकीस आली आहे. विशेष म्हणजे, या महिन्यात एकंदरीत आजच्या घटनेला पकडून तीन बिबट अत्यवस्थेत आढळून आले व त्यापैकी दोन बिबट्यांचा मृत्यू झाला. बिबट्यांच्या मृत्यूला जबाबदार कोण? असा संतप्त सवाल वन्यप्रेमींसह सर्वसामान्यांकडून उपस्थित केला जात आहे.
