नांदेडमध्ये अशोक चव्हाण पराभूत,रायगडात तटकरे,शिरुरमध्ये डाॅ.कोल्हे विजयी,मेंढेची वाटचाल विजयाकडे

गोंदिया,दि.23ः-राज्यातील ४८ मतदार संघात काय स्थिती आहे याची माहिती याठिकाणी देत असून काँग्रेसच्या आजी माजी प्रदेशाध्यक्षांना पराभव स्विकाराव लागला आहे.विदर्भात फक्त चंद्रपूर येथे काँग्रेसचा उमदेवार सध्या भाजपचे उमेदवरा हंसराज अहीर यांच्यापेक्षा अधिक मते घेऊन आघाडीवर आहेत.तर अमरावती मध्ये अपक्ष नवनीत राणा या आघाडीवर आहेत.विदर्भातील 10 जागामध्ये 8 ठिकाणी भाजप विजयच्या उंबरठ्यवर पोचली आहे.काँग्रेसचे नेते माजी खासदार नाना पटोले हे सुद्दा लाखाच्या फरकाने पराभवाच्या छायेत आहेत.तर भंडारा-गोंदिया मतदारसंघात भाजप उमेदवार सुनिल मेंढे यांनी विजय सुनिश्चित केला आहे.त्यांच्या विजयाचा जल्लोष मतदारंसघात सुरु झालेला आहे.भंडारा येथील जलाराम लाॅन येथे सुनिल मेंढे सपत्नीक उपस्थित असून त्यांच्या अभिनंदनासाठी कार्यकर्ते व नेते हजर होऊ लागले आहेत.आमदार विजय रहागंडाले,डाॅ.परिणय फुके हे सप्तनीक,म्हाडा सभापती तारिक कुरेशी,विरेंद्र अंजनकर,भंडारा जिल्हा भाजपाध्यक्ष सुनिल पडोळे,माजी आमदार नरेंद्र भोंडेकर,राजेश गुणेरिया,देवेंद्र तिवारी आदी भाजप पदाधिकार्यांनी त्यांचे अभिनंदन केले आहे.

रायगड- लोकसभा निवडणुकीचा निकाल आता स्पष्ट होत आहे. महाराष्ट्रातील रायगड मतदारसंघात राष्ट्रवादी काँग्रेसचे उमेदवार सुनील तटकरे विजयी झाले आहेत. तटकरे 25 हजार मतांना विजयी.

नांदेडः-राज्यातील प्रतिष्ठेची लढाई मानला जाणारा नांदेड लोकसभा मतदारसंघ काँग्रेसच्या हातून निसटला आहेत. भाजपच्या प्रताप पाटील चिखलीकरांनी काँग्रेसचे विद्यमान खासदार अशोक चव्हाणांचा तब्बल 50 हजार मतांनी पराभव केला आहे. नांदेडमधून चव्हाणांना 337285 मतं मिळाले तर प्रताप पाटील यांना 374355 मते मिळाले. यावेळी वचिंत फॅक्टर महत्त्वाचा ठरला कारण वंचितचे उमेदवार यशपाल भिंगे यांना 126086 मते मिळाली आहेत

शिरूर-शिरूर लोकसभा मतदारसंघामध्ये राष्ट्रवादी काँग्रेसचे उमेदवार अमोल कोल्हे यांनी विजय मिळवला आहे. कोल्हे यांनी शिवसेनेचे विद्यमान खासदार शिवाजीराव आढळराव पाटील यांचा पराभव केला. या मतदारसंघात जुन्नर, आंबेगाव, खेड आळंदी, शिरूर, भोसरी आणि हडपसर ही सहा विधानसभा क्षेत्रे येतात. गेल्या तीन निवडणुकीमध्ये या मतदारसंघात शिवसेनेच्या उमेदवाराने बाजी मारली आहे.