Ø आतापर्यंत एकूण 70 उमेदवारांचे 109 नामांकन
Ø 5 ऑक्टोबरला होणार अर्जांची छाननी
भंडारा,दि. 5 : विधानसभा सार्वत्रिक निवडणूकीसाठी नामांकन दाखल करण्याच्या आज शेवटच्या दिवशी तीनही विधानसभा क्षेत्रातून 47 उमेदवारांनी 71 नामांकन दाखल केले. तुमसर विधानसभा क्षेत्र 11 उमेदवार 20 नामांकन, भंडारा 18 उमेदवार 27 नामांकन तर साकोली येथे 18 उमेदवारांनी 24 नामांकन दाखल केले आहे. आजपर्यंत तीनही विधानसभा क्षेत्रात राजकीय पक्ष व अपक्ष अशा एकूण 70 उमेदवारांनी 109 नामांकन दाखल केले आहे. यामध्ये तुमसर क्षेत्रातून भारतीय जनता पार्टीकडून प्रदीप मोतीराम पडोळे, राष्ट्रवादी काँग्रेसकडून राजू मानिकराव कारेमोरे तर अपक्ष म्हणून चरण वाघमारे यांचा समावेश आहे. भंडारा येथे भारतीय राष्ट्रीय काँग्रेस व पीरीपा आघाडीचे जयदीप कवाडे, भारतीय जनता पार्टीचे अरविंद मनोहर भालाधरे तर अपक्ष म्हणून नरेंद्र भोजराज भोंडेकर, रामचंद्र पुनाजी अवसरे तर साकोली क्षेत्रात भारतीय राष्ट्रीय काँग्रेस तर्फे नाना पटोले, भारतीय जनता पार्टीतर्फे डॉ. परिणय फुके तर वंचित बहुजन आघाडी व अपक्ष म्हणून सेवक वाघाये यांचेसह अन्य उमेदवारांनी नामांकन दाखल केले आहे. उद्या 5 ऑक्टोबर रोजी अर्जांची छाननी होणार असून 7 ऑक्टोबर नामांकन अर्ज मागे घेण्याची अंतिम तारीख आहे .
60-तुमसर विधानसभा क्षेत्रामध्ये आज 11 उमेदवारांनी 20 नामांकन दाखल केले आहे. आतापर्यंत येथे एकूण 16 उमेदवारांनी 28 नामांकन दाखल केले आहे. यामध्ये भारतीय जनता पार्टीकडून प्रदीप मोतीराम पडोळे, राष्ट्रवादी काँग्रेसकडून राजू मानिकराव कारेमोरे, रविदास श्रावण लोखंडे ( बहुजन मुक्ती पार्टी) तसेच अपक्ष म्हणून चरण वाघमारे, के.के. पंचबुध्दे, राजकुमार माटे, सदाशिव सिवा ढेंगे, भोलाराम मानिक परशुरामकर यांचा समावेश आहे.
61-भंडारा विधानसभा क्षेत्रामध्ये आज 18 उमेदवारांकरीता 27 नामांकन दाखल केले आहे. आतापर्यंत येथे एकूण 26 उमेदवारांनी 39 नामांकन दाखल केलेले आहे.या उमेदवारामध्ये जयदीप जोगेंद्र कवाडे (भारतीय राष्ट्रीय काँग्रेस), भारतीय जनता पार्टी कडून अरविंद मनोहर भालाधरे, हिवराज भिकुलाल उके (भारतीय कॅम्युनिष्ट पक्ष), नितीन मनोज बोरकर (वंचित बहुजन आघाडी), सुरेश मारोती भवसागर (लोकराज्य पार्टी ) तसेच नरेंद्र भोजराज भोंडेकर , रामचंद्र पुनाजी अवसरे यांचेसह प्रशांत बालक रामटेके, नितीन सुर्यभान बागडे, अजय प्रेमदास रंगारी, सदानंद जानुजी कोचे, सुरेश मारोती भवसागर, चंद्रशेखर परसराम सुखदेवे, लक्ष्मीकांत सत्यवान बोरकर, सुभाष बिसन भिवगडे, मुकेशकुमार महादेव लोखंडे, पुजा गणेश ठवकर, विसर्जन सज्जन चौसरे, गावर्धन चौबे, दिलीप भजनदास मोटघरे, विकास मन्साराम राऊत, अनिता कुंजन शेंडे, अनुसयाबाई अनिल बावणे, चेतक राजेश डोंगरे,रंजित बाबुलाल चौव्हाण, नितीन पुंडलिक तुमाणे, सुधीर नामदेव रामटेके या अपक्षांचा समावेश आहे.
62-साकोली विधानसभा क्षेत्रामध्ये आज 18 उमेदवारांनी 24 नामांकन दाखल केले. आता पर्यंत या क्षेत्रात 28 उमेदवारांनी 42 नामांकन दाखल केले आहे. आज शेवटच्या दिवशी भारतीय जनता पार्टी कडून डॉ. परिणय फुके, भारतीय राष्ट्रीय काँग्रेस कडून नाना पटोले, चंद्रशेखर श्यामराव टेंभुर्णे (वंचित बहुजन आघाडी), उर्मिला प्रशांत आगाशे (बळीराजा पार्टी), यांच्यासह वंचित बहुजन आघाडी व अपक्ष म्हणून सेवक वाघाये यांनी तर राजेश काशिवार, डॉ. ब्रम्हानंद करंजेकर, प्रकाश हरिचंद्र देशकर, अण्णा श्रीराम फटे, सुभाष रामचंद्र बावणकुळे,सुहास फुंदे, अतुल परशुरामकर यांनीही नामांकन दाखल केले आहे. शेवटच्या दिवशी एकूण 70 उमेदवारांनी 109 नामांकन दाखल केले असून उद्या दिनांक 5 ऑक्टोबरला उपविभागीय अधिकारी तथा निवडणूक निर्णय अधिकारी भंडारा, तुमसर व साकोली यांच्या सतरावर नामांकन दाखल केलेल्या अर्जाची छाननी करण्यात येणार असून 7 ऑक्टोबर नामांकन अर्ज मागे घेण्याची अंतिम तारीख आहे .
00000
मुख्य निवडणूक निरिक्षक राजेश सिंग राणा जिल्हयात दाखल
भंडारा,दि. 5 : भंडारा जिल्हयातील विधानसभा सार्वत्रिक निवडणूक 2019 साठी मुख्य निवडणूक निरिक्षक राजेश सिंग राणा जिल्हयात दाखल झाले आहेत. ते तुमसर, भंडारा व साकोली विधानसभा क्षेत्रातील निवडणूक प्रक्रियेचा आढावा घेतील. नागरिकांच्या सूचना व तक्रारीचे निवारण करण्यासाठी विश्रामगृहातील वैनगंगा कक्षात सायंकाळी 5 ते 6 या वेळेत उपलब्ध असतील. त्यांचेशी दुरध्वनी क्र. 07184-255389 आणि भ्रमणध्वनी क्रं. 8600453302 वर संपर्क साधता येईल.
