दिल्लीतील जंतरमंतर येथे सुरू असलेल्या आंदोलनादरम्यान पक्षाचे संस्थापक अभिजीत दीपके (Abhijit Deepke) यांनी पहिली प्रतिक्रिया दिली. त्यांनी आंदोलनाला मिळालेल्या यशाबद्दल सर्व कार्यकर्ते आणि विद्यार्थ्यांचे अभिनंदन केले. त्याच वेळी, “या लढ्याचा उद्देश केवळ राजीनामा मिळवणे नसून, प्रत्येक विद्यार्थ्याला पूर्ण न्याय मिळवून देणे हा आहे,” असे त्यांनी स्पष्ट केले.

मंचावरच मिळाली बातमी; जंतरमंतरवर जल्लोष

जंतरमंतर येथे तीव्र निदर्शने सुरू असताना अभिजीत दीपके (Abhijit Deepke) मंचावर उपस्थित होते. त्याच वेळी दूरध्वनीद्वारे केंद्रीय शिक्षणमंत्र्यांनी राजीनामा (Dharmendra Pradhan Resignation) दिल्याची बातमी थेट आंदोलनस्थळी धडकली. बातमी समजताच उपस्थित विद्यार्थी आणि कार्यकर्त्यांमध्ये प्रचंड उत्साहाचे वातावरण निर्माण झाले. राजीनाम्याची बातमी मिळताच अभिजीत दीपके यांनी माईक हातात घेऊन उपस्थितांना संबोधित केले. “We Have Done It” (आपण हे करून दाखवले!) अशा शब्दांत त्यांनी विजयाची घोषणा केली.

आपल्या भाषणात दीपके (Abhijit Deepke) म्हणाले, “या सरकारमध्ये सहसा कोणी राजीनामा देत नाही, असे अनेकजण म्हणत होते. पण ‘झुकती है दुनिया, झुकानेवाला चाहिये’ हे आज विद्यार्थ्यांच्या ताकदीने आणि या आंदोलनाने सिद्ध करून दाखवले आहे.”

विद्यार्थ्यांच्या न्यायासाठी सुधारणांचा लढा सुरूच राहणार

शिक्षण व्यवस्थेतील त्रुटींवर बोट ठेवताना अभिजीत दीपके (Abhijit Deepke) म्हणाले की, विद्यार्थ्यांच्या या प्रश्नांकडे केवळ राजकीय दृष्टिकोनातून न पाहता शिक्षण व्यवस्थेतील मूळ सुधारणांच्या दृष्टीने पाहण्याची गरज आहे.

पारदर्शक परीक्षा प्रणाली: एका मंत्र्याच्या राजीनाम्याने प्रश्न पूर्णपणे सुटत नाही. भविष्यात कोणत्याही परीक्षेत गैरप्रकार होणार नाहीत, अशी पारदर्शक यंत्रणा उभारावी लागेल.

विश्वासार्हता जपण्याची गरज: परीक्षा प्रणालीवरील विद्यार्थ्यांचा गमावलेला विश्वास परत मिळवणे ही काळाची गरज आहे.

CJP ची पुढील भूमिका: आगामी काळात CJP केवळ आंदोलनावर न थांबता शिक्षण क्षेत्रातील धोरणात्मक व प्रशासकीय सुधारणांसाठी सातत्याने प्रयत्नशील राहील, असे संकेत त्यांनी दिले.

The post धर्मेंद्र प्रधानांच्या राजीनाम्यानंतर अभिजीत दीपके यांची प्रतिक्रिया appeared first on Berar Times.

“आंदोलकांच्या आग्रही मागणीनुसार आज अखेर केंद्रीय शिक्षणमंत्र्यांनी राजीनामा दिला. दडपशाहीला न घाबरता अन्यायाविरुद्ध ठामपणे उभे राहून सरकारला नैतिक जबाबदारी स्वीकारायला भाग पाडणारा हा लढा लोकशाहीच्या ताकदीचे प्रतीक आहे. हा देशातील युवाशक्तीच्या एकजुटीचा मोठा विजय आहे. तसंच, विरोधी पक्षातील प्रमुख नेत्यांनी ज्या पद्धतीने देशातील युवकांना नैतिक आणि संसदीय पाठबळ दिलं त्याबद्दल विरोधी पक्षातील सर्व खासदारांचे मनःपूर्वक आभार. देशातील लोकशाहीने कात टाकली आहे, आणि त्याचं श्रेय देशातील युवा पिढीला जातं हे निश्चितपणे नमूद करावसं वाटतं,” अशी प्रतिक्रिया शरद पवार यांनी दिली आहे.

The post अखेर धर्मेंद्र प्रधानांनी शिक्षणमंत्री पदाचा राजीनामा दिला, जंतर मंतरवरील विद्यार्थ्यांच्या आंदोलनाला मोठं यश appeared first on Berar Times.

विद्यार्थ्यांच्या आंदोलनाची हाताळणी करण्यात मोदी सरकार अपयशी ठरल्याचा आरोप करत विरोधी पक्षांच्या खासदारांनी जोरदार निदर्शने केली. विरोधी पक्षांच्या खासदारांनी केंद्रीय शिक्षणमंत्री धर्मेंद्र प्रधान यांच्यावरही निशाणा साधत, त्यांच्या राजीनाम्याची मागणी पुन्हा एकदा केली. विद्यार्थ्यांच्या प्रश्नांवर सरकारने योग्य वेळी निर्णय न घेतल्यामुळे देशभरात असंतोष वाढल्याचा आरोप विरोधकांनी केला.

या आंदोलनादरम्यान विरोधी पक्षाच्या नेत्यांनी विद्यार्थ्यांवर झालेल्या कारवाईचा निषेध नोंदवला. विद्यार्थ्यांच्या मागण्यांकडे दुर्लक्ष करण्याऐवजी सरकारने त्यांच्याशी संवाद साधून तोडगा काढायला हवं होतं, अशी मागणीही करण्यात आली.विरोधकांचे म्हणणे आहे की, विद्यार्थ्यांच्या भवितव्याशी संबंधित इतक्या गंभीर विषयावर सरकारने संवेदनशीलता दाखवणे आवश्यक होते. मात्र, त्याऐवजी आंदोलन दडपण्याचा प्रयत्न करण्यात आला. त्यामुळे केंद्रीय शिक्षणमंत्री धर्मेंद्र प्रधान यांनी नैतिक जबाबदारी स्वीकारून पदाचा राजीनामा द्यावा, अशी मागणी त्यांनी केली.

The post विरोधी पक्षांच्या खासदारांची केंद्र सरकारविरोधात निदर्शने ; धर्मेंद्र प्रधानांच्या राजीनाम्याची मागणी appeared first on Berar Times.

The post सिक्कीममध्ये बोगद्यात भीषण दुर्घटना; 8 कामगारांचा मृत्यू appeared first on Berar Times.

कॉकरोच जनता पार्टीचे आंदोलन आणि पोलिसांचा लाठीमार सुरु असताना दुसर्‍या बाजूला सरकारने आंदोलकांशी चर्चा करण्याचा प्रयत्नही केला. कॉकरोच जनता पार्टीचे प्रवक्ते सौरभ दास यांना जे.पी. नड्डा यांनी चर्चेसाठी बोलावले होते. मात्र, जे.पी. नड्डा यांनी आम्हाला दोन तास वाट पाहायला लावली आणि त्यानंतर फक्त 10 मिनिटांची भेट दिली, असे कॉकरोच पार्टीकडून सांगण्यात आले. सीजेपीचे प्रवक्ते सौरभ दास यांनी ट्विट करुन सर्व खासदारांना रस्त्यावर उतरुन आंदोलन करत असलेल्या विद्यार्थ्यांच्या पाठीशी उभे राहण्याचे आवाहन केले. पोलीस निर्घृणपणे आंदोलन मोडीत काढत आहेत आणि शांततेत आंदोलन करणाऱ्यांना मारत आहे, असेही सौरभ दास यांनी म्हटले.

 संसद भवनाच्या परिसरात जवळपास 75000 आंदोलक जमले 

दरम्यान, प्रशांत भूषण यांच्या दाव्यानुसार संसद भवनाच्या परिसरात जवळपास 75000 आंदोलक जमले होते. या आंदोलकांमुळे संसद भवनाच्या परिसरात सुरक्षा यंत्रणेची चांगलीच धावपळ उडाली. दिल्ली पोलिसांनी अश्रूधुराच्या नळकांड्या फोडून आंदोलकांना पांगवले आहे. या परिसरात बॅरिकेडच्या मोठ्या रांगा उभारुन आंदोलकांना रोखण्याचा प्रयत्न सुरु आहे. मात्र, काही आंदोलक या बॅरिकेडसवरुन चढून जाण्याचा प्रयत्न करत होते.

The post अभिजीत दिपकेंना पोलिसांनी उचललं, दिल्ली पोलिसांचा आंदोलकांवर लाठीमार appeared first on Berar Times.

संसद परिसरात वाढवला बंदोबस्त :

आंदोलक संसद भवनाजवळ पोहोचल्यानंतर परिस्थिती नियंत्रणात ठेवण्यासाठी दिल्ली पोलिसांनी अतिरिक्त फौजफाटा तैनात केला. मुख्य प्रवेशद्वार बंद करून परिसरात कडक सुरक्षा व्यवस्था लागू करण्यात आली. जमावाला नियंत्रित करण्यासाठी अश्रुधुराच्या नळकांड्या फोडण्यात आल्या. यामुळे काही काळ परिसरात तणावाचे वातावरण निर्माण झाले.दरम्यान, केंद्रीय शिक्षण मंत्री धर्मेंद्र प्रधान (Dharmendra Pradhan) यांनी केंद्रीय गृहमंत्री अमित शाह (Amit Shah) यांची संसद भवनात भेट घेतली. या आंदोलनाच्या पार्श्वभूमीवर झालेल्या या बैठकीकडे महत्त्वाच्या घडामोडी म्हणून पाहिले जात आहे. मिळालेल्या माहितीनुसार, सरकारने कॉकरोच जनता पार्टीच्या प्रतिनिधींनाही चर्चेसाठी निमंत्रित केले आहे. पक्षाच्या वतीने आशुतोष रांका (Ashutosh Ranka) आणि सौरभ दास (Saurabh Das) हे केंद्रीय मंत्री जे. पी. नड्डा (J. P. Nadda) यांची भेट घेण्यासाठी गेले असल्याचे सांगितले जात आहे. पक्षाने सकाळीच सरकारकडून चर्चेसाठी संपर्क साधण्यात आल्याचा दावा केला आहे.

यापूर्वी जंतरमंतर येथून संसदेकडे निघालेल्या आंदोलकांना अडवताना पोलिसांनी लाठीचार्ज केला होता. संसदेच्या पावसाळी अधिवेशनाच्या पार्श्वभूमीवर राजधानीत आधीपासूनच कडक सुरक्षा व्यवस्था लागू करण्यात आली होती. नवी दिल्ली परिसरात भारतीय न्याय संहिता अंतर्गत कलम 163 लागू करण्यात आले होते. या आंदोलनात आम आदमी पार्टीचे मनीष सिसोदिया (Manish Sisodia), संजय सिंह (Sanjay Singh), आझाद समाज पार्टी (Azad Samaj Party) चे प्रमुख आणि खासदार चंद्रशेखर आझाद (Chandrashekhar Azad), अभिनेते प्रकाश राज (Prakash Raj) तसेच सोनम वांगचुक (Sonam Wangchuk) यांच्या पत्नी गीतांजली (Geetanjali) यांनीही सहभाग घेतला.

खासदार चंद्रशेखर आझाद यांनी युवकांवर अन्याय होत असल्याचा आरोप करत आपण त्यांच्या समर्थनासाठी आंदोलनात सहभागी झाल्याचे सांगितले. सरकार आपली भूमिका पार पाडत आहे, पोलीस आपले कर्तव्य बजावत आहेत आणि आपण युवकांच्या न्यायासाठी उभे असल्याचे त्यांनी नमूद केले. दरम्यान, संसद मोर्च्याच्या पार्श्वभूमीवर दिल्लीतील परिस्थितीवर प्रशासनाकडून बारकाईने लक्ष ठेवण्यात येत आहे.

The post संसद भवनाचे दरवाजे बंद; पोलिसांनी अश्रूधुराच्या नळकांड्या फोडल्या appeared first on Berar Times.

The post महाराष्ट्राची समृद्ध वस्त्रपरंपरा दिल्लीकरांच्या भेटीला appeared first on Berar Times.

👉आंदोलनस्थळी मोठा गोंधळ

नवी दिल्ली:-राजधानी दिल्लीतील जंतरमंतर मैदानावर मागील २० दिवसांपासून आमरण उपोषणाला बसलेले सामाजिक कार्यकर्ते सोनम वांगचूक यांना पोलीसांनी आंदोलनस्थळावरून हटवले असून त्यांना रुग्णालयात दाखल केले आहे. वांगचूक यांच्या आरोग्याची खालावलेली स्थिती पाहता पोलीसांनी हे पाऊल उचलल्याचे सांगण्यात येत आहे. पोलीसांनी सोनम वांगचुक यांना आंदोलनस्थळावरून हटवल्याने याठिकाणी मोठा गोंधळ झाल्याचे समजते आहे.

मीडिया रिपोर्ट्सनुसार, गेल्या 21 दिवसांपासून सोनम वांगचुक यांना दिल्ली पोलिसांनी आंदोलन स्थळावरुन हटवलं आहे. त्यांना रुग्णालयात दाखल करण्यासाठी आंदोलन स्थळावरुन हटवल्याची माहिती मिळतेय. दिल्लीतील जंतर-मंतर येथे गेल्या 20 दिवसांपासून उपोषणाला बसलेल्या सामाजिक कार्यकर्ते सोनम वांगचुक यांना दिल्ली पोलिसांनी रुग्णालयात नेले आहे. ‘नीट’ (NEET) सारख्या प्रमुख परीक्षांमधील पेपरफुटीच्या घटनांच्या पार्श्वभूमीवर केंद्रीय शिक्षण मंत्री धर्मेंद्र प्रधान यांच्या राजीनाम्याची मागणी करत वांगचुक 28 जूनपासून उपोषणावर होते.

CJP प्रवक्त्यांची माहिती

‘कॉकरोच जनता पार्टी’चे (CJP) प्रवक्ते सौरभ दास यांनी या परिस्थितीबाबत माहिती दिली. त्यांनी सांगितलं की, दिल्ली पोलिसांनी अभिजीत दिपके यांना त्यांच्या निवासस्थानावरून ताब्यात घेतलं. ते पुढे म्हणाले, “मला लोकांकडून समजलं की, सोनम वांगचुक यांना आंदोलनस्थळावरून हटवलं जातंय आणि विद्यार्थ्यांवर लाठीचार्ज केला जातोय…” जंतर-मंतर येथे CJP च्या नेतृत्वाखाली सुरू असलेल्या आंदोलनादरम्यान, 20 जुलै रोजी संसदेवर मोर्चा काढण्याची घोषणा केली होती. मात्र, त्याआधीच सोनम वांगचुक यांना आंदोलनस्थळावरून हटवण्यात आलंय.

सोनम वांगचूक यांच्यावरील कारवाईवर दिल्ली पोलिसांचं म्हणणं काय?

सोनम वांगचुक यांची खालावलेली प्रकृती यासंदर्भात दिल्ली उच्च न्यायालयात सुनावणी होणार होती. त्यापूर्वीच पोलिसांनी जंतर-मंतर इथे ही कारवाई केली. प्रत्येक नागरिकाचा जीव मौल्यवान आहे, हे लक्षात घेऊन, न्यायालयानं यापूर्वीच सोनम वांगचुक यांची दररोज वैद्यकीय तपासणी करण्याचं, तसेच त्यांच्या प्रकृतीवर नियमित देखरेख ठेवून त्यांना आवश्यक वैद्यकीय मदत पुरवण्याचे निर्देश दिले होते.

सोनम वांगचुक यांचा VIDEO मेसेज 

सलग 20 दिवसांच्या उपोषणानंतर सोनम वांगचुक यांची प्रकृती सतत खालावत होती, वांगचुक यांनी शुक्रवारी रात्री एक व्हिडीओ मेसेज जारी केलेला. ज्यामध्ये त्यांनी आपलं सुमारे 20 टक्के वजन कमी केल्याचं सांगितलं.  तसेच, त्यांच्या स्नायूंवरही परिणाम झाल्याचं त्यांनी नमूद केलंय. तरीही त्यांचं मनोधैर्य आणि मानसिक स्थिती खंबीर होती.

या व्हिडीओद्वारे, वांगचुक यांनी 20 जुलै रोजी नियोजित असलेल्या ‘चलो संसद’ (संसदेकडे कूच) रॅलीमध्ये मोठ्या संख्येनं सहभागी होण्याचं आवाहन नागरिकांना केलेलं. त्यांनी म्हटलं की, जर कांद्याच्या दरांबाबत सरकारला जबाबदार धरलं जाऊ शकतं, तर लाखो विद्यार्थ्यांचं भविष्य आणि शिक्षण व्यवस्थेतील कथित अनियमितता यांबाबतही सरकारची जबाबदारी निश्चित केलीच पाहिजे. ‘नीट’ (NEET) परीक्षा वादाच्या पार्श्वभूमीवर अनेक विद्यार्थ्यांनी आत्महत्या केल्याचा दावा त्यांनी आपल्या व्हिडीओमध्ये केला आणि या मुद्द्यावर सरकारनं उत्तर दिलंच पाहिजे, असं ठामपणे सांगितलं.

सोनम वांगचुक यांची मागणी नेमकी काय? 

सोनम वांगचुक आणि या आंदोलनाशी संबंधित संघटनांची एक प्रमुख मागणी केंद्रीय शिक्षण मंत्री धर्मेंद्र प्रधान यांचा राजीनामा ही होती. स्पर्धा परीक्षांमधील कथित अनियमितता आणि प्रश्नपत्रिका फुटण्याच्या घटनांमुळे देशभरातील लाखो विद्यार्थ्यांचा विश्वास डळमळीत झालाय, असा आरोप त्यांनी केला. तसेच, आंदोलकांनी ‘नॅशनल टेस्टिंग एजन्सी’च्या (NTA) कामकाजाची निष्पक्ष चौकशी, प्रश्नपत्रिका फुटण्याच्या प्रकरणांची पारदर्शक तपासणी आणि परीक्षा पद्धतीत व्यापक सुधारणा करण्याची मागणीही केली.

The post सोनम वांगचूक यांना पोलीसांनी आंदोलनस्थळावरून हटवलं appeared first on Berar Times.

The post वस्त्रोद्योग मंत्री संजय सावकारे यांच्या हस्ते ‘भारत टेक्स’मधील महाराष्ट्र दालनाचे उद्घाटन appeared first on Berar Times.

एम्स नागपूरच्या उत्कृष्टता केंद्रात, बालपणीच्या असंसर्गजन्य आजारांच्या काळजीविषयीची सर्वंकष माहिती माध्यम प्रतिनिधींना प्रत्यक्ष तज्ञाकडून मिळाली

नागपूर,दि.१४– बालपणी होणाऱ्या अ संसर्गजन्य आजारांविषयीचे वृत्तांकन अधिक संवेदनशीलता आणि जागृतीने कसे करता येईल, याविषयी जाणून घेण्यासाठी, पश्चिम भारतातील सुमारे 30 पेक्षा अधिक माध्यम प्रतिनिधी नागपूरच्या एम्स मध्ये झालेल्या दोन -दिवसीय क्षमता-बांधणी कार्यशाळेसाठी एकत्र आले होते.आज या कार्यशाळेची सांगता झाली.

युनिसेफ इंडिया, पत्र सूचना कार्यालय (पश्चिम क्षेत्र) आणि एम्स, नागपूर यांच्या संयुक्त विद्यमाने ही कार्यशाळा आयोजित करण्यात आली होती. कार्यशाळेदरम्यान, माध्यम प्रतिनिधींना बालपणीच्या असंसर्गजन्य आजारांचे निदान, उपचार आणि व्यवस्थापन कशा प्रकारे केले जाते, याची प्रत्यक्ष माहिती मिळाली. तसेच आरोग्यविषयक वृत्तांकन अधिक प्रभावी करण्यासाठीच्या सर्वोत्तम पद्धतींबाबतही मार्गदर्शन करण्यात आले.

पाच ते नऊ वर्षे वयोगटातील मुलांमध्ये आणि 10 ते 19 वर्षे वयोगटातील किशोरवयीन मुलांमध्ये वाढत असलेल्या असंसर्गजन्य आजारांच्या धोक्याकडे लक्ष वेधणे, हा या कार्यशाळेचा मुख्य उद्देश होता. पश्चिम आणि मध्य भारतातील आदिवासी तसेच ग्रामीण भागांमध्ये बालपणीचे असंसर्गजन्य आजार अनेकदा निदान आणि तज्ज्ञ उपचारांच्या मर्यादित उपलब्धतेमुळे अधिक गंभीर स्वरूप धारण करतात. दुसरीकडे, शहरी भागांमध्ये बैठी जीवनशैली, स्क्रीनसमोर वाढता वेळ आणि आहारातील बदल यांमुळे बालपणीच येणारा लठ्ठपणा, मधुमेह आणि मानसिक आरोग्याशी संबंधित विकार यांसारख्या आजारांचे प्रमाण वाढत आहे. ग्रामीण, आदिवासी किंवा शहरी कोणतेही क्षेत्र असो, बालपणीचे हे आजार अनेकदा गुंतागुंत निर्माण होईपर्यंत लक्षात येत नाहीत.

यावेळी बोलताना, माहिती आणि प्रसारण मंत्रालयाच्या अखत्यारीतील, पत्र सूचना कार्यालयाच्या (पश्चिम क्षेत्र) महासंचालिका  स्मिता वत्स शर्मा यांनी सांगितले की, “ सार्वजनिक आरोग्यविषयक वृत्तांकन जनजागृती आणि त्यावर आधारित कृती करण्यासाठी आवश्यक तो आकार देते, त्यामुळे पत्रकारांवर, पुराव्या आधारित तथ्ये आणि इतर माहिती लोकांपर्यंत पोहोचवण्याची महत्वाची जबाबदारी असते. तसेच, ज्या बातम्या लोकांना मुलांसाठीची आरोग्यविषयक आव्हाने समजून घेण्यात आणि त्यांचा सामना करण्यास मदत करु शकतील, अशा बातम्या पत्रकारांकडून दिल्या जाव्यात.”

एम्स नागपूरचे कार्यकारी संचालक डॉ. प्रशांत जोशी म्हणाले, “लहान मुलांमधील असंसर्गजन्य  आजारांचा,  सुप्त कालावधी  मोठा असतो आणि  त्यांची सुरुवात बालपणापासूनच होत असते.  त्यामुळे, या आजारांचे लवकर निदान होणे गरजेचे आहे, तसेच यासंबंधी सातत्याने  काळजी घेतली गेली पाहिजे. तसेच   सार्वजनिक आरोग्य व्यवस्था बळकट असणे अत्यंत आवश्यक आहे. एम्स नागपूर अशा आरोग्यसेवा मॉडेल्सच्या विकासासाठी कटिबद्ध आहे ज्यांची   अंमलबजावणी संपूर्ण देशात करता येईल. प्रसारमाध्यमांच्‍या मदतीने कुटुंबांना या आजारांची लक्षणे लवकर ओळखण्यासाठी  आणि वेळेवर उपचार घेण्यास प्रोत्साहन देण्यास मदत होऊ शकते.”

युनिसेफ  इंडियाच्या ‘कम्युनिकेशन, ॲडव्होकसी अँड पार्टनरशिप’ विभागाच्या प्रमुख झाफ्रिन चौधरी म्हणाल्या, “ज्यावेळी  प्रसारमाध्यमांमधून लहान मुलांमधील असंसर्गजन्य आजारांबाबत अचूक आणि संवेदनशीलतेने माहिती पोहोचते, त्यावेळी एका दुर्लक्षित समस्येवर प्रकाश पडतो. यामुळे आजारांचे लवकर निदान होण्यास मदत मिळते. सामाजिक कलंक किंवा पूर्वग्रह दूर होतात आणि हे आजार रोखण्यायोग्य आणि  उपचार करण्यायोग्य आहेत, या गोष्टीवर शिक्कामोर्तब होते. अशाप्रकारची वृत्त तसेच माहिती लोकांपर्यंत पोहोचवण्यासाठी पीआयबी, एम्स नागपूर  आणि पत्रकारांबरोबर भागीदारी करताना युनिसेफला अभिमान वाटतो. आपण सर्वजण मिळून लोकांना माहिती देऊ शकतो. आजाराच्या विरोधात कृती करण्यास प्रेरित करू शकतो आणि मुलांना चांगले आयुष्य  जगण्यासाठी त्यांचे आरोग्य राखण्यास मदत करू शकतो.”

आरोग्य आणि कुटुंब कल्याण मंत्रालयाच्या अंतर्गत असलेल्या ‘डीजीएचएस’चे अतिरिक्‍त महासंचालक  डॉ. तुषार एन. नाले यांनी सरकारच्यावतीने चालविण्‍यात येणा-या  असंसर्गजन्य आजार  कार्यक्रमाचा आढावा सादर केला.या वर्षाच्या सुरुवातीला, संपूर्ण राज्यात लहान मुलांमधील असंसर्गजन्य आजारांचा प्रतिबंध आणि व्यवस्थापन बळकट करण्यासाठी महाराष्ट्र सरकारने युनिसेफ इंडियाच्या धोरणात्मक सहकार्याने एम्स नागपूरसोबत सामंजस्य करार केला. या भागीदारीमुळे एम्स नागपूर या कार्यासाठी ‘तांत्रिक उत्कृष्टता केंद्र’  म्हणून कार्यरत होणार आहे.

युनिसेफ महाराष्ट्रचे प्रमुख संजय सिंग म्हणाले, “लहान मुलांमधील असंसर्गजन्य  आजार  आता दुर्मिळ राहिलेले नाहीत. सार्वजनिक आरोग्याच्या दृष्टीने ही एक महत्त्वाची आणि वाढती प्राथमिकता बनली आहे. एम्स नागपूर आणि महाराष्ट्र सरकारबरोबरच्या आमच्या भागीदारीद्वारे, आम्ही लवकर निदान, रुग्ण संदर्भ  प्रणाली आणि दर्जेदार आरोग्यसेवा बळकट करण्यासाठी काम करत आहोत, जेणेकरून प्रत्येक मुलाला आवश्यक ती मदत मिळेल.”

कार्यशाळेतील एक प्रमुख आकर्षण म्हणजे एम्स नागपूर येथे बालकांमधील असंसर्गजन्य आजारासाठीच्या उत्कृष्टता केंद्राला दिलेली भेट. येथे पत्रकारांनी डॉक्टर, मुले आणि त्यांची काळजी घेणाऱ्या व्यक्तींना भेटून दीर्घकालीन देखभालीची वास्तविकता प्रत्यक्ष अनुभवली. पत्रकारांनी बालपणातील असंसर्गजन्य आजारांविषयी आकलन  तपासणाऱ्या आणि वाढवणाऱ्या एका संवादात्मक प्रश्नमंजुषेतही भाग घेतला. तसेच गटांमध्ये काम करून अशा बातम्यांच्या कल्पना आणि वार्तांकनाचे पैलू विकसित केले, जे ते आपल्या वृत्तकक्षात  नेऊ शकतील.

कार्यशाळेची सुरुवात एका प्रास्ताविक सत्राने झाली. यामध्ये एम्स नागपूर येथील बालरोग विभागाच्या प्राध्यापिका आणि विभागप्रमुख डॉ. मीनाक्षी गिरीश यांनी बालपणातील असंसर्गजन्य आजार समजून घेण्याबाबत एक अभ्यासपूर्ण भाषण केले.

आरोग्यविषयक वार्तांकनासाठी माध्यम प्रतिनिधींना उपलब्ध असलेल्या भारत सरकारच्या संसाधनांवर तसेच विविध भाषांमध्ये आरोग्यविषयक बातम्यांची नियमित, अद्ययावत माहिती मिळवण्यासाठी बातमीदार पीआयबीचा कसा उपयोग करू शकतात, यावरही या कार्यशाळेत प्रकाश टाकण्यात आला. एनएफएचएस आणि एसआरएस सर्वेक्षणे, पोषण-ट्रॅकर संकेतस्थळ आणि इतर सहज उपलब्ध होणाऱ्या आंतर-मंत्रालयीन संसाधनांवरही यावेळी भर देण्यात आला.

ही कार्यशाळा एका सातत्यपूर्ण  उपक्रमाची सुरुवात आहे, जो सप्टेंबर 2026 मध्ये होणाऱ्या एनसीडी सप्ताहापर्यंत सुरू राहील. हा उपक्रम बालकांमधील असंसर्गजन्य आजारांविषयीची सार्वजनिक समज सुधारणे आणि पुराव्यावर आधारित आरोग्य अहवाल अधिक मजबूत करणे, या व्यापक प्रयत्नांचा एक भाग आहे.

The post बालपणीच्या असंसर्गजन्य आजारांवरील वृत्तांकन अधिक उत्तम करण्यासाठी आयोजित दोन दिवसीय माध्यम क्षमता-वृद्धी कार्यशाळेची सांगता appeared first on Berar Times.