गोंदिया,दि.07 :जिल्ह्यातील रावणवाडी पोलीस ठाणेअंतर्गत ६ आॅक्टोंबरच्या रात्रीला १०.३० वाजेच्या सुमारास दुचाकी वाहन जुपीटरने गांज्याच्या वाहतूक करीत असलेल्या इसमाला ताब्यात घेत ५ किलो गांजासह २ लाख ९ हजार ३०० रुपयाचा मुद्देमाल पोलिसांनी जप्त केला आहे.सोबतच वाहतूक करणारा मोटारसायकलचालक घनश्याम टोलीराम तुरकर वय 57 वर्षे रा. तेढवा ता.जिल्हा गोंदिया यास ताब्यात घेत अटक केली.
आरोपीच्या ज्यूपिटर गाडीवर मधल्या मोकळ्या जागेत एक प्लास्टिक बोरी दिसून आल्याने सदर बाबत चौकशी केली असता उडवा उडविचे उत्तरे दिली.त्यानंतर बोरीची पाहणी केली असता प्लास्टिक बोरीत प्लास्टिक वेस्टन असलेले 5 पॉकिट दिसून आले. त्यापैकी एक वेस्टन असलेले पाकिट् उघडले असता हिरव्या रंगाचा ओलसर गांजा दिसून आल्याने जप्तीची सविस्तर प्रक्रिया करण्यात आली.
आरोपी घनश्याम टोलीराम तुरकर रा. तेढवा याचे ताब्यातून 5 किलो गांजा, एक ज्यूपिटर मो. सा. मोबाईल व ईतर साहित्य अशी एकूण किंमत 2 लाख 9 हजार 300 रुपये चे साहित्य जप्त करण्यात आलेला असुन आरोपी विरूध्द पोलीस ठाणे – रावणवाडी येथे एन. डी. पी. एस. कायदा कलम 8 (क), 20, 29 अंन्वये गुन्हा दाखल करण्यात आला आहे..जप्त मुद्देमालासह आरोपीला रावणवाडी पोलीसांचे ताब्यात देण्यात आले आहे. पुढील कायदेशीर कारवाईची प्रक्रिया. गुन्ह्यांचा तपास रावणवाडी पोलीस करीत आहेत.
सदरची कारवाई पोलीस अधीक्षक गोंदिया गोरख भामरे, अप्पर पोलीस अधीक्षक, नित्यानंद झा यांचे निर्देशाप्रमाणे स्थानिक गुन्हे शाखेचे पोलीस निरीक्षक दिनेश लबडे, यांचे मार्गदर्शनात म.पो.उ.प.नि वनिता सायकर, पोलीस अंमलदार प्रकाश गायधने, दुर्गेश तिवारी, इंद्रजित बिसेन, सुबोध बिसेन, छगन विठ्ठले, घनश्याम कुंभलवार, यांनी कारवाई केली आहे.
