गोंदिया दि. 15: सामाजिक न्याय व विशेष सहाय्य विभागामार्फत प्रत्येक वर्षी अनुसूचित जाती, विमुक्त जाती भटक्या जमाती, इतर मागासवर्ग व विशेष मागास प्रवर्गातील मॅट्रिकोत्तर शिक्षण घेत असलेल्या विद्यार्थ्यांना भारत सरकार शिष्यवृत्ती व शिक्षण शुल्क, परिक्षा शुल्क, तसेच राजर्षी शाहु महाराज गुणवत्ता शिष्यवृत्ती योजनांचा लाभ देण्यात येतो. सन 2022-23 या शैक्षणिक सत्राकरीता महाडीबीटी प्रणालीमध्ये विद्यार्थ्यांचे अर्ज तात्काळ भरावे असे आवाहन विनोद मोहतुरे सहायक आयुक्त, समाज कल्याण गोंदिया यांनी केले आहे.
सदर योजनेचा लाभ घेण्यासाठी विद्यार्थ्यास विभागाच्या http:/mahadbtmahait.gov.in या पोर्टलवरुन ऑनलाईन अर्ज भरणे आवश्यक आहे. सन 2022-23 या शैक्षणिक वर्षाकरीता प्रवेशित विद्यार्थ्यांना ऑनलाईन अर्ज भरण्यासाठी महाडिबीटी प्रणाली 22 सप्टेंबर 2022 पासून कार्यान्वित करण्यात आलेली आहे. या शैक्षणिक सत्राकरीता अनु.जाती प्रवर्गाचे 2521, इमाव प्रवर्गाचे 6047, विमाप्रवर्गाचे 454 व विजाभज प्रवर्गाचे 617 तसेच राजर्षी शाहु महाराज गुणवत्ता शिष्यवृत्ती (SBC, VJNT) 137 असे एकुण 9776 अर्ज भरण्याची नोंद झालेली आहे.
ऑनलाईन अर्ज भरण्यासाठी महाडिबीटी प्रणाली मागील दोन महिण्यांपासुन कार्यान्वित आहे, तरी शैक्षणिक सत्र 2022-23 करीता अत्यंत कमी अर्ज भरण्याची नोंद महाडिबीटी प्रणालीवर झालेली आहे. करीता जिल्हयातील प्रत्येक विद्यार्थ्यांनी महाडिबीटी प्रणालीवर लवकारात लवकर अर्ज भरावे. तसेच महाविद्यालयांच्या प्राचार्यांनी 100 टक्के विद्यार्थ्यांचे आनलाईन अर्ज भरण्यासाठी नियमित पाठपुरावा करावा व विद्यार्थ्यांनी आनलाईन अर्ज कसा भरावा याबाबत समान संधी केंद्रामार्फत मार्गदर्शन करावे. असे आवाहन विनोद मोहतुरे सहायक आयुक्त, समाज कल्याण गोंदिया यांनी केले आहे.
