साक्षरता कार्यक्रम सर्वेक्षणावर बहिष्कार- संजय उके

 अनुसूचित जाती प्रवर्गातील इयत्ता पहिली पासून आठवी पर्यंतच्या सर्व विद्यार्थी व विद्यार्थीनींना शिष्यवृत्ती देण्यात यावी अशी मागणी कास्ट्राईब शिक्षक संघटना जिल्हा गोंदिया चे अध्यक्ष संजय उके यांनी निवेदनातून केली आहे. मागणीचे निवेदन एकनाथ शिंदे मुख्यमंत्री यांना पाठविण्यात आले.

     अनु.जाती प्रवर्गातील विद्यार्थी व विद्यार्थीनी यांना इयत्ता १ ली पासून शिष्यवृत्ती मिळत नाही.  इमाप्र(ओबीसी) प्रवर्गातील  विद्यार्थी – विद्यार्थीनी यांना इयत्ता १ ली पासून १० वी पर्यंत भारत सरकार मॅट्रीक पूर्व शिष्यवृत्ती, अनु. जमाती तील १ ली पासून १० वी च्या विद्यार्थी -विद्यार्थीनी यांना  सुवर्ण महोत्सवी शिष्यवृत्ती, विमुक्त जाती भटक्या जमाती तील विद्यार्थी – विद्यार्थीनी यांना इयत्ता १ ली पासून १० वी पर्यंत डॉ. आंबेडकर मॅट्रीक पूर्व शिष्यवृत्ती मिळत आहे. सावित्री बाई फुले शिष्यवृत्ती योजना  इयत्ता ५ ली ते १० वी (एस.सी, एस.बी.सी.,ओ.बी.सी., व्ही.जे.एन. टी. संवर्ग), गुणवत्ता शिष्यवृत्ती इयत्ता ५ ते १० वी( एस.सी. एस.टी., एस.बी.सी., व्ही.जे.एन.टी. संवर्ग), १० वी परीक्षा फी (एस सी. एस. टी. एस बी.सी., व्ही.जे एन. टी. संवर्ग), अस्वच्छ व्यवसायातील पालकांच्या मुलांना मॅट्रिक पूर्व शिष्यवृत्ती मिळत आहे.  अनु. जाती प्रवर्गातील विद्यार्थीनींना इयत्ता १ ली पासून ४ थी पर्यंत शिष्यवृत्ती मिळत नाही व  विद्यार्थांना इयत्ता १ ली पासून ८ वी पर्यंत त्या प्रकारे सरसकट शिष्यवृत्ती मिळत नाही. अनु.जाती प्रवर्गातील विद्यार्थी – विद्यार्थीनी शिष्यवृत्ती पासून वंचित राहत आहेत. त्यामुळे  अनु. जाती प्रवर्गातील सर्व विद्यार्थी –  विद्यार्थ्यांना इयत्ता १ ली पासून ८ वी पर्यंत सरसकट शिष्यवृत्ती देण्यात येईल असा आशावाद संजय उके यांनी व्यक्त केला आहे.