गोंदिया,दि.3 मार्च: शालेय विद्यार्थ्यांना स्पर्धा परीक्षेची गोडी लागावी या उदात्त हेतूने ध्येय प्रकाशन अकॅडमी महाराष्ट्र द्वारा घेण्यात येणाऱ्या राज्यस्तरीय विनर ऑफ द इयर या परीक्षेत इयत्ता पहिली ते आठवीचे जिल्ह्यातील 250 विद्यार्थ्यांनी सहभागी होऊन उत्साहात परीक्षा दिली.
या परीक्षेत इयत्ता पहिलीपासून आठवीपर्यंतचे विद्यार्थी सहभागी झाले होते त्यामध्ये ओ एम आर सीटवर ऑफलाईन परीक्षा घेण्यात आली. जिल्ह्यातील सहा तालुक्यांमध्ये परीक्षा केंद्राचे आयोजन करण्यात आले होते. आमगाव तालुक्यामधील पीएमश्री जिल्हा परिषद वरिष्ठ प्राथमिक शाळा ठाणा येथे 73 विद्यार्थी, देवरी तालुक्यातील जिल्हा परिषद प्राथमिक शाळा धीवरीनटोला येथे 22 विद्यार्थी, पीएमश्री जिल्हा परिषद वरिष्ठ प्राथमिक शाळा हिरडामाली येथे 31 विद्यार्थी, जिल्हा परिषद हायस्कूल सडक अर्जुनी येथे 27 विद्यार्थी, जानकी देवी चौराकडे हायस्कूल कुडवा गोंदिया येथे 31 विद्यार्थी तर तिरोडा तालुक्यातील जिल्हा परिषद प्राथमिक शाळा खडकी येथे 64 विद्यार्थी सहभागी झाले होते. सदर परीक्षा ही शालेय अभ्यासक्रमावर असल्याने विद्यार्थ्यांचा छान उत्साह दिसून आला.
परीक्षेचे आयोजन जिल्हा संयोजक वशिष्ठ खोब्रागडे यांच्या मार्गदर्शनात ध्येय प्रकाशन अकॅडमीच्या तालुका समन्वयक श्रीमती मीनल टेंभरेसह सर्व केंद्रावरील केंद्र संचालक शिक्षक समीर तिडके(गोंदिया), देविदास हरडे(खडकी, तिरोडा), अनिल वैद्य(सडक अर्जुनी), सुनील ठाकूर(हिरडामली, गोरेगाव), मलेश मदनुरे(देवरी), एन. एस. कोरे.(ठाणा, आमगाव) यांनी काम पाहिले. तसेच परीक्षेसाठी साधनव्यक्ती धनवंत कावळे, शिक्षक शिवाजी माखने(देवरी), आनंद सरवदे (काळिमाती)मुख्याध्यापक प्रफुल्ल ठाकरे, मोरेश बिसेन( हिरडामाली), मोहन बिसेन(निंबा), श्रीमती एम.ए.उरकुंडे (डोंगरुटोला), मुख्याध्यापक कांतीलाल भेलावे, शिक्षिका कु. दीपिका सातपुते(खडकी), कु. शिल्पा कोल्हे(भिवापूर), कु. योगिता बुरडकर (सेजगाव), कु. वैशाली पेटकर (रापेवाडा), श्रीमती अनिता मानकर, कु प्रियंका केवट, श्रीमती प्रिती मेश्राम(ठाणा), कु. प्रीती भुरसे(मनेरी), प्रियंका पाटील(मुरपार/राम), अनिता टेकाडे (डोंगरगाव) या सर्वांनी सहकार्य केले.
