गोंदिया दि.१६: गोंदियाचे जिल्हाधिकारी डॉ.विजय सूर्यवंशी यांची केंद्रीय संरक्षण राज्यमंत्री डॉ.सुभाष भामरे यांचे खासगी सचिव म्हणून बदली झाली आहे.जिल्हाधिकारी हे बदली करुन चालल्याचे वृत्त सर्वात आधी बेरार टाईम्सने आपल्या वाचकांना दिले होते.त्यातच १२ सप्टेबंर रोजी पालकमंत्री बडोले यांच्या पत्रकार परिषदेतही बेरार टाईम्स संपादकानी आपण गोंदिया सोडून चालल्याचे जिल्हाधिकारी यांना म्हटले होते.त्यानंतर १४ सप्टेंबर रोजी त्यांचे बदली आदेश निघाल्याने बेरार टाईम्सच्यावृत्तावर शिक्कामोर्तब झाले आहे.
डॉ.सूर्यवंशी गेल्या दिड वर्षापासून गोंदियात असून त्यांचा कार्यकाळात जिल्ह्यातील पर्यटनाला चांगली चालना मिळाली.परंतु जिल्हा परिषदेचे आरोग्य विभाग आणि शिक्षण विभागासोबतच जिल्हाधिकारी कार्यालयातील काही विभागप्रमुखांनी व नगरपालिकांनी योग्य सहकार्य न केल्यानेच त्यांना जी गोंदियाची ओळख कोल्हापूर सारखी तयार करायची होती ती करण्यात अधिकारी वर्गाकडूनच अडसर होऊ लागल्याने त्यांनी येथे काम करण्यापेक्षा बदली करुन गेलेले बर ठरवून धुळेचे खासदार व केंद्रीय राज्यमंत्री डॉ.सुभाष भामरे यांचे खासगी सचिव म्हणून जाण्याचा निर्णय घेतल्याने गोंदिया जिल्हा मात्र काही कामचुकार अधिकारीवर्गाच्या भूमिकेमूळे चांगल्या जिल्हाधिकारीपासून वंचित राहणार आहे.जिल्हाधिकारी आज मुंबईत गोंदियाच्या सारस पर्यटनाची माहिती पत्रकारपरिषदेत पालकमंत्री यांच्यासोबत देण्याची शक्यता असून मुख्यमंत्र्याचा गोंदिया दौरा आटोपल्यानंतर ३० सप्टेबंरला ते कार्यमुक्त होण्याची शक्यता आहे.
