मराठी भाषेला अभिजात दर्जा केंद्र सरकार

0
29

नवी दिल्ली – महाराष्ट्र सरकारने सादर केलेला मराठी भाषेला अभिजात भाषेचा दर्जा देण्याचा प्रस्ताव विचारात घेतला असल्याची माहिती केंद्र सरकारने सोमवारी दिली आहे. महाराष्ट्र सरकार व अभिजात मराठी भाषा समितीकडून मराठीला अभिजात दर्जा देण्याबाबतचा प्रस्ताव मिळाला आहे का, असा प्रश्न लोकसभेत विचारण्यात आला होता. त्यावर सांस्कृतिक मंत्री महेश शर्मा म्हणाले, महाराष्ट्र सरकारच्या मराठी विभागाचा प्रस्ताव विचाराधीन आहे. तथापि, समितीकडून तसा प्रस्ताव नाही.

अभिजात भाषेचे निकष
भाषेची प्राचीनता १५०० ते २००० वर्षे जुनी असावी. लिखित इतिहास असावा. भाषेची मौलिकता व सलगता असावी. प्राचीन वाङ््मयाची सांगड घातलेली असावी. तो भाषकांकडून मौलिक वारसा म्हणून जतन केला जात असावा. भाषा स्वयंभू असावी. तसेच प्रवाही असावी. ती इतर भाषिक समूहांकडून उचललेली नसावी. प्राचीन व आधुनिक भाषा यातील परस्परसंबंध ठसठशीतपणे दिसून यायला हवा.

मराठीचे बोलू कौतुके
09 कोटी लोक जगभरात बोलतात
04 क्रमांकाची भारतातील भाषा
10 व्या क्रमांकाची भाषा जगामध्ये
72 देशांत मराठी बोलली जाते.
01 लाख पुस्तके प्रकाशित.

अभिजात भाषा दर्जासाठी समितीचा मोठा अहवाल