बीड,दि.30: बीडच्या एका महिलेने एक शरीर आणि दोन तोंड असलेल्या बाळाला जन्म दिला आहे. अंबाजोगाईमधील स्वाराती शासकीय वैद्यकीय महाविद्यालय आणि रुग्णालयात महिलेची रविवारला (29 ऑक्टोबर) रात्री 8.30 च्या सुमारास प्रसुती झाली. बाळ आणि बाळंतीण सुखरुप आहेत.प्रसुती विभागातील सर्जन डॉ. संजय बनसोडे आणि त्यांच्या सहकाऱ्यांनी अवघड शस्त्रक्रियेद्वारे महिलेची प्रसुती केली. बाळाच्या हालचालींवर देखरेख ठेवण्यासाठी त्याला शिशू अतिदक्षता विभागात ठेवण्यात आले आहे. ही महिला मूळची परळी तालुक्यातील आहे.महिलेची आधीची कागदपत्रे तपासताना बाळामध्ये दोष असल्याचे लक्षात आल्यानंतर डॉक्टरांनी सिझेरियनद्वारे प्रसुती करण्याचा निर्णय घेतला. परंतु बाळाला बाहेर काढल्यानंतर त्याला दोन तोंड असल्याचे त्यांना दिसले. महत्त्वाचं म्हणजे बाळाचं वजन 3 किलो 700 ग्रॅम असून त्याची आणि आईची प्रकृती चांगली आहे.या बाळाला दोन डोकं, दोन किडनी आणि दोन फुफ्फुस आहेत. मात्र इतर अवयव एकच आहेत. दरम्यान महिलेचं हे पाचवं अपत्य आहे. याआधी तिला तीन मुली आणि एक मुलगा आहे
