नागपूर. ( विशेष प्रतिनिधी ) ,दि.१६– वृत्तपत्र विक्रेत्याची स्थिती आजही असंघटीत कामगारासारखी असून वृत्तपत्र जनमानसात पोहोचविणारी व वृत्तपत्राची प्रतिष्ठा वाढविणारी हि सेवा आजही शासन दरबारी उपेक्षित असल्याने या सेवेची जोरदार मागणी आमदार संजय केळकर यांनी आज औचित्याच्या मुद्याद्वारे विधान सभेत केली.
विधान सभेत आमदार संजय केळकर यांनी वृत्तपत्र विक्रेत्याच्या समस्या व मागण्या शासना समोर मांडल्या वृत्तपत्र हा लोकशाहीचा चौथा स्तंभ आहे. त्याची प्रतिष्ठा राखण्याचे काम वृत्तपत्र विक्रेते करीत असतात. परंतु त्याचेवर महापालिका क्षेत्रात अनधिकृत फेरीवाल्यासारखी कारवाही केली जाते. सदरचा व्यवसाय हा वर्षानुवर्ष करीत असलेल्या वृत्तपत्र विक्रेत्यांना अशा कारवाइतून वगळून त्यांना पालिका क्षेत्रात कायम स्वरूपी जागा उपलब्ध करून द्यावी, तसेच वृत्तपत्र विक्रेत्याचे कल्याणकारी मंडळ स्थापन करून त्या द्वारे शासनाच्या विविध योजनाचा उदा. घरे, स्टॉल परवाना आधीचा लाभ द्यावा त्यासाठी शासनाने तातडीने धोरनात्मक निर्यण घ्यावा अशी मागणी आमदार संजय केळकर यांनी यावेळी केली.
