सत्तेत असलेले श्रेय घेऊन शेतकऱ्यांना देत आहेत खोटी आश्वासने – अशोक (गप्पू) गुप्ता

0
6

गोंदिया : काही दिवसांपूर्वी माजी राज्यमंत्री तथा गोंदियाचे माजी पालकमंत्री डॉ.परिणय फुके यांनी शेतकऱ्यांना 12 तास वीज देणार असल्याचे दाखवून दिले. काही भाजप कार्यकर्त्यांनी त्यांचे कौतुक करणारे बॅनर लावले, मात्र हा शेतकऱ्यांशी खेळ आहे. एकीकडे शेतकऱ्यांचे हक्क हिसकावून घेतात, दुसरीकडे पुन्हा शेतकरी आंदोलनाची भूमिका घेतात, मग शेतकऱ्यांच्या मागण्या पूर्ण करून कार्यकर्त्यांना प्रशंसाचे बॅनर लावायला सांगतात.परन्तु शेतक-यांना फ़क्त ८ तास विज देण्यात येत आहे. स्वत: शेतकऱ्यांसाठी योजना दिल्या जात आहेत मात्र त्यातही प्रशासकीय व तांत्रिक अडचणींमुळे हजारो शेतकरी वंचित राहत आहेत.परंतु सरकारला आपली प्रशासकीय व्यवस्था सुधारता येत नाही.असा हल्लाबोल काँग्रेसचे जिल्हा उपाध्यक्ष अशोक (गप्पू)गुप्ता यांनी केला.

केंद्र सरकारकडून प्रधानमंत्री किसान सन्मान योजनेचा लाभ शेतकऱ्यांना दिला जात आहे, मात्र तांत्रिक अडचणींमुळे अनेक शेतकरी बांधव या लाभापासून वंचित आहेत. कर्जाची नियमित परतफेड करणाऱ्या शेतकऱ्यांना राज्य सरकारने दिलेली प्रोत्साहनपर रक्कमही अनेक शेतकऱ्यांना वितरित करण्यात आलेली नाही.तसेच अवकाळी पाऊस झालेल्या नुकसानीची रक्कमही आणि बोनस राज्य सरकारने दिले नाही. शेतकऱ्यांना केवळ कागदावरच आश्वासने दिली जात असून सरकारला त्यांच्या दुरवस्थेची काळजी असल्याचे दिसत नाही.असे काँग्रेसचे जिल्हा उपाध्यक्ष अशोक (गप्पू) गुप्ता यांनीही सरकारला सुनावले आहे.