गोंदिया जिल्हा परिषद उपाध्यक्षपदावर राष्ट्रवादीचे सुरेश हर्षे होणार विराजमान

0
645
गोंदिया,दि.२४ः- गोंदिया जिल्हा परिषदेच्या पुढील अडीच वर्षाकरीता आज २४ जानेवारीला  होत असलेल्या उपाध्यक्ष पदाच्या निवडणूकीत राष्ट्रवादी काँग्रेसचे जिल्हा परिषद सदस्य सुरेश हर्षे विराजमान होणार आहेत.राष्ट्रवादी काँग्रेस जिल्हा परिषद सदस्यांच्या बैठकीत सुरेश हर्षे यांच्या नावावर एकमत झाल्याने त्यांची निवड पक्की झाली आहे.राष्ट्रवादी काँग्रेसचे नेते व माजी आमदार राजेंद्र जैन यांच्या मार्गदर्शनात झालेल्या बैठकीत सुरेश हर्षे यांच्या नावाची घोषणा करण्यात आली असून उपाध्यक्ष पदाचा त्यांनी उमेदवारी अर्ज दाखल केला आहे.राष्ट्रवादी काँग्रेसने स्पर्धेतील सर्वांना धक्का दिला आहे.