बुलढाणा : इंदुरहून अकोल्याकडे जाणारी खासगी प्रवासी बस दरीत कोसळली. ही घटना बुलढाणा जिल्ह्यातील जळगाव जामोद ते बुऱ्हाणपूर दरम्यानच्या करोली घाटात घडली. अपघातात बसमधील २८ प्रवासी जखमी झाले असून त्यांच्यावर मध्यप्रदेशमध्ये उपचार सुरू आहेत. इंदोर येथील रॉयल ट्रॅव्हल्सची बस अकोल्याकडे जात होती. दरम्यान चालकाचे नियंत्रण सुटल्याने बस दरीत १०० फूट खाली कोसळली.दुर्गम अशा करोली घाटात अपघात झाल्याने मदत कार्य उशिरा सुरू झाले. मात्र घटनेची माहिती मिळताच मध्यप्रदेश पोलीस व रुग्णवाहिका घटनास्थळी दाखल झाल्या. अपघातात २८ जण प्रवासी जखमी झाले असून त्यांच्यावर दर्यापूर व बुऱ्हाणपूर (मध्यप्रदेश ) येथे उपचार सुरू आहेत.
