पालकमंत्रीपदाची यादी जाहीर,एकनाथ शिंदेकडे 2 जिल्हे,मात्र धनजंय मुंडेचा पत्ता कट

0
334

मुंबई,दि.१८ः पालकमंत्रीपदाबाबतचा सस्पेन्स अखेर संपला आहे. पालकमंत्र्यांची यादी जाहीर झाली आहे. मुख्यमंत्री देवेंद्र फडणवीस दावोसला रवाना होण्याआधी पालकमंत्र्यांची यादी जाहीर करण्यात आली आहे. यामध्ये सर्वात चर्चेत असलेल्या बीड जिल्ह्याचे पालकमंत्रीपद उपमुख्यमंत्री अजित पवार यांच्याकडे देण्यात आले आहे. तर गडचिरोलीचे पालकमंत्रीपद स्वत: मुख्यमंत्री देवेंद्र फडणवीस यांच्याकडे ठेवण्यात आले आहे. तर उपमुख्यमंत्री एकनाथ शिंदे यांच्याकडे मुंबई शहर आणि ठाण्याचे पालकमंत्रीपद देण्यात आलं आहे. तर नागपूर आणि अमरावतीचे पालकमंत्रीपदी चंद्रशेखर बावनकुळे यांची वर्णी लागली आहे.अजित पवार यांना पुण्याचेही पालकमंत्री पद देण्यात आले आहे.विशेष म्हणजे धनजंय मुंडे यांना मात्र पालकमंत्रीपदापासून दूर ठेवण्यात आले आहे.

गेल्या अनेक दिवसांपासून पालकमंत्रीपदाबाबत सस्पेन्स कायम होता. कोणाला कोणत्या जिल्ह्याची जबाबदारी मिळणार? याची सर्वत्र चर्चा सुरु होती. मात्र, अखेर पालकमंत्रीपदाची यादी जाहीर करण्यात आली आहे. राज्याचे उपमुख्यमंत्री एकनाथ शिंदे यांच्याकडे दोन महत्वाच्या जिल्ह्याची जबाबदारी देण्यात आली आहे. यामध्ये मुंबई शहर आणि ठाणे जिल्ह्याचा समावेश आहे.

पंकजा मुंडेंकडे जालना जिल्हा
संतोष देशमुख हत्या प्रकरण समोर आल्यानंतर बीड जिल्ह्याचा कारभार अजित पवार यांनी स्वत:कडे घ्यावा तसेच येथील कायदा आणि सुव्यस्थेचा प्रश्न हाताळावा, अशी मागणी केली जात होती. नागरिकांची हीच भावना लक्षात घेऊन धनंजय मुंडे यांना वगळून अजित पवार यांनी बीड जिल्ह्याचं पालकमंत्रिपद स्वत:कडे ठेवलंय. धनंजय मुंडे यांना पालकमंत्रिपद न मिळाल्यास ही जबाबदारी पंकजा मुंडे यांना दिली जाऊ शकते, असेही म्हटले जात होते. मात्र त्यांना देखील बीड जिल्ह्याऐवजी जालना जिल्ह्याचे पालकमंत्रिपद देण्यात आले आहे.

सर्व जिल्ह्यांच्या पालकमंत्र्यांची यादी
1. गडचिरोली – देवेंद्र फडणवीस
2. ठाणे – एकनाथ शिंदे
3. मुंबई शहर – एकनाथ शिंदे
4. पुणे – अजित पवार
5. बीड – अजित पवार
6. नागपूर – चंद्रशेखर बावनकुळे
7. अमरावती चंद्रशेखर बावनकुळे
8. अहमदनगर – राधाकृष्ण विखे पाटील
9. वाशिम – हसन मुश्रीफ
10. सांगली – चंद्रकांत पाटील
11. नाशिक – गिरीश महाजन
12. पालघर – गणेश नाईक
13. जळगाव -गुलाबराव पाटील
14. यवतमाळ – संजय राठोड
15. मुंबई उपनगर – आशिष शेलार तर सहपालकमंत्री – मंगलप्रभात लोढा
16. रत्नागिरी – उदय सामंत
17. धुळे – जयकुमार रावल
18. जालना – पंकजा मुंडे
19. नांदेड – अतुल सावे
20. चंद्रपूर – अशोक उईके
21.सातारा – शंभूराज देसाई
22. रायगड – आदिती तटकरे
23.लातूर – शिवेंद्रराजे भोसले
24. नंदूरबार – माणिकराव कोकाटे
25.सोलापूर – जयकुमार गोरे
26. हिंगोली – नरहरी झिरवाळ
27. भंडारा – संजय सावकारे
28. छत्रपती संभाजीनगर – संजय शिरसाट
29. धाराशिव – प्रताप सरनाईक
30. बुलढाणा – मकरंद जाधव
31. सिंधुदुर्ग – नितेश राणे
32. अकोला – आकाश फुंडकर
33. गोंदिया -बाबासाहेब पाटील
34. कोल्हापूर – प्रकाश आबिटकर तर सह पालकमंत्री – माधुरी मिसाळ
35. वर्धा – पंकज भोयर
36.परभणी – मेघना बोर्डिकर