गोंदिया- सडक अर्जूनी येथील नामांकित वकील अॅड. मुकेश रहांगडाले यांचे काल रात्री निधन झाले. त्यांच्या मृत्यू संशयास्पद असल्याच्या चर्चांना पेव फुटले आहे.
अॅड. मुकेश रहांगडाले हे नामांकित वकील असून ते गोंदिया जिल्ह्यातील अनेक कोर्टात वकिलीची प्रॅक्टिस करीत होते. ते जिल्ह्याचे पालकमंत्री ना. राजकुमार बडोले यांचे खास विश्वासू पैकी एक होते. त्यांचा अकस्मात मृत्यू हा संशयास्पद असल्याच्या चर्चा परिसरात आहेत. मिळालेल्या माहितीनुसार, त्यांचे शवविच्छेदन करण्यात आले नसल्याची माहिती समोर येत आहे.
अॅड. मुकेश रहांगडाले हे भारतीय जनता पक्षाच्या ओबीसी आघाडीचे माजी जिल्हाध्यक्ष होते. त्यांच्या मृत्यूने सर्वत्र दुःखाचे सावट पसरले आहो. अॅड. रहांगडाले यांच्या मृत्यूचे खरे कारण शवविच्छेदन अहवाल प्राप्त केल्याशिवाय समोर येणार नसल्याच्या प्रतिक्रिया जिल्हात उमटत आहेत.
