गडचिरोली, ,berartimes.com दि.२१- : आज जिल्ह्याच्या दक्षिण भागातील चार तालुक्यांमध्ये जिल्हा परिषद निवडणुकीचे मतदान सुरु असताना पोलिसांनी एटापल्ली तालुक्यातील रेखनार गावानजीकच्या जंगलातून दोन जहाल नक्षल्यांना अटक केली. नीलेश पोटावी व अजित पुडो अशी अटक केलेल्यांची नावे आहेत.
आज विशेष अभियान पथकाचे पोलिस एटापल्ली तालुक्यातील कोटमी पोलिस मदत केंद्राच्या हद्दीतील रेखनार जंगलात नक्षलविरोधी अभियान राबवीत असताना साध्या वेशभूषेतील ४ अनोखळी इसम संशयास्पद स्थितीत आढळून आले. पोलिसांना पाहताच चौघांनीही पळ काढला. पोलिसांनी पाठलाग करुन नीलेश पोटावी व अजित पुडो यांना ताब्यात घेतले. नीलेश पोटावी हा प्लाटून क्रमांक ३ चा, तर अजित पुडो हा कसनसूर एलओएसचा सदस्य आहे. एटापल्ली व धानोरा तालुक्यात झालेले खून, चकमकी, जाळपोळी व काळे झेंडे फडकविण्याच्या गुन्ह्यांत या दोघांचा समावेश होता, अशी माहिती पोलिसांनी दिली.
