भंडारा दि. 17 : समस्याग्रस्त व पिडीत महिलांना त्यांचे प्रश्न मांडण्यासाठी व्यासपीठ मिळावे, तसेच त्यांच्या हक्काचे संरक्षण होऊन न्याय मिळावा यादृष्टिने महिलांच्या तक्रारी, अडचणी यांची शासकीय यंत्रणेकडून सोडवणूक करण्यासाठी व समाजातील पिडीत महिलांना सुलभ मार्गदर्शनाची सुविधा उपलब्ध व्हावी यासाठी जिल्हा महिला व बाल विकास अधिकारी कार्यालयामार्फत जिल्हाधिकारी कार्यालय भंडारा येथे प्रत्येक महिण्याच्या तिसऱ्या सोमवारी जिल्हास्तरावर महिला लोकशाही दिन आयोजित करावा असे शासन निर्णयान्वये निर्देश दिलेले आहे. करीता सोमवार 19 ऑक्टोंबर 2020 रोजी जिल्हाधिकारी कार्यालय भंडारा येथे सकाळी 11.00 ते 1.00 वाजेपर्यंत जिल्हास्तरीय महिला लोकशाही दिनी तक्रारी स्विकारण्यात येणार आहे.
महिला लोकशाही दिनात तक्रार दाखल करण्याकरीता तक्रार अर्जाचा नमूना जिल्हा महिला व बाल विकास अधिकारी कार्यालय, शिवाजी क्रिडा संकूल, बस स्टॉप जवळ, भुविकास बँक भंडारा येथे उपलब्ध आहे. जिल्हा स्तरीय महिला लोकशाही दिनात तक्रार अर्ज सादर करतांना अर्जासोबत जिल्हाधिकारी यांना उद्देशुन अर्ज, तालूका महिला लोकशाही दिन टोकन क्रमांक प्रत, तहसिलदाराच्या उत्तराची प्रत सोबत जोडावी. महिला लोकशाही दिनात न्याय प्रविष्ठ प्रकरणे, सेवा विषयक, आस्थापना विषयक तक्रार निवेदन स्विकारण्यात येणार नाहीत फक्त महिलांच्या वैयक्तीक स्वरूपाच्या तक्रारी स्विकारल्या जातील.
