गोरेगाव : आमदार विजय रहांगडाले यांच्या हस्ते 17 सप्टेंबरला देशाचे पंतप्रधान नरेंद्र मोदी यांच्या वाढदिवसाचे औचित्य साधून डांबरीकरण रस्ता व विविध बांधकामाचे भूमिपूजन करण्यात आले.
सन 2019 20 मध्ये वैशिष्ट्यपूर्ण योजना अंतर्गत मंजूर केलेल्या निधीमधून दुर्गा चौकातील देवाजी रहांगडाले ते जगत कॉलेज व जगत कालेज ते रेल्वे स्टेशन अशा या डांबरीकरण रस्ता, नाली व पेविंग ब्लॉक बांधकामाचे भूमिपूजन थाटात पार पडले. कार्यक्रमात आमदार विजय रहांगडाले यांच्या हस्ते भूमिपूजन फलकाचे अनावरण करून कामाला प्रत्यक्ष सुरुवात करण्यात आली.
हा रस्ता खूप दिवसापासून शहरवासीयांसाठी त्रासाचा बनला होता. वेळोवेळी या रस्त्याच्या दयनीय अवस्थेचे वृत्त प्रकाशित होत होते. याचे बांधकाम करण्यासाठी वेळोवेळी या प्रभागातील लोकांनी नगरपंचायत व नगराध्यक्ष यांच्याकडे मागणी केली होती. यालाच अनुसरून माजी नगराध्यक्ष इंजी.आशीष बारेवार यांनी आपल्या काळात हे कार्य मंजूर करून घेतले. आमदार विजय रहांगडाले यांनी तत्कालीन शासनाकडून निधी मंजूर करुन आणला होता. त्याचे प्रत्यक्ष बांधकाम आज सुरू झाले तरी या बांधकाम होत असलेल्या रस्त्यामुळे आता लोकांचे त्रास कमी होणार आहे. वाहतुकीकरिता चांगल्या प्रकारचा एक रस्ता तयार होत आहे. यासाठी प्रभागवासियांनी आभार मानले आहे.
कार्यक्रमाला प्रामुख्याने माजी सभापती लक्ष्मीकांत बारेवार, रेखलाल टेंभरे बँक डायरेक्टर, नप माजी उपाध्यक्ष सुरेश रहांगडाले, नप माजी सभापती रेवेंद्र बिसेन, भाजपा गटनेता हिरालाल रहांगडाले, साहेबलाल कटरे, इसुलाल सोनवाने, मोरेश्वर कांबळे, मोरेश्वर रहांगडाले, हिदा येडे गुरुजी, सोनम येडेकर, मुन्नालाल बावनकर, नन्हू रहांगडाले, दिगंबर बारेवार, संतोष रहांगडाले व शहरातील मान्यवर उपस्थित होते.
