अर्जुनी मोरगाव-स्थानिक नगरपंचायत विषय समिती सभापतीपदाची निवडणूक सोमवारी (24) पार पडली.यात बांधकाम सभापतीपदी राष्ट्रवादीचे दानेश साखरे , पाणीपुरवठा सभापतीपदी भाजपचे यशकुमार शहारे तर स्वच्छता आनी आरोग्य सभापती पदी भाजपचे संध्या शहारे यांची वर्णी लागली आहे.विशेष उल्लेखनीय म्हणजे ही निवडणूक अविरोध पार पडली.या नगरपंचायत मध्ये भाजप राष्ट्रवादी ,सेना अशी सत्ता आहे.
बांधकाम सभापती पदावर राष्ट्रवादी पक्षाच्या नगरसेवकाची वर्णी लागल्याने आ.इंजि.राजकुमार बडोले यांचे सहकार्याने शहर विकासाला अधिकाधिक निधी उपलब्ध होईल असा आशावाद नवनिर्वाचितांच्या स्वागतप्रसंगी विश्वास व्यक्त केला जात आहे.
यावेळी नगराध्यक्ष मंजुषा बारसागडे,उपाध्यक्ष ललिता टेंभरे, नगरसेवक संजय पवार,राधेश्याम भेंडारकार ,सर्वेश भूतडा दिक्षा शहारे,अतुल बन्सोड,ममता भैय्या, दिव्या पशीने,सुषमा दामले,सपना उपवंशी, शिला उईके,इंदू लांजेवार आणी नगरसेवक तथा भाजपा तालुका अध्यक्ष विजय कापगते,राष्ट्रवादी चे तालुका अध्यक्ष लोकपाल गहाणे,आर.के.जांभुळकर, शालिक हातझाडे, ओमप्रकाशसिंह पवार उपस्थित होते.
पीठासीन अधिकारी तहसीलदार अनिरुद्ध कांबळे, सहाय्यक पिठासीन अधिकारी म्हणून प्रमोद कांबळे,प्रशासकीय अधिकारी स्वाती तायडे,सभा लिपिक सुमित मेश्राम,शुभम गौरकार यांनी निवडणूक प्रक्रिया पार पाडली.
