तुमसर: स्थानिक पोवार समाज राजा भोज कार्यालय येथे रविवार, दिनांक १८ जानेवारी २०२६ रोजी हळदी-कुंकू कार्यक्रमाचे अतिशय भव्य आणि नेटके आयोजन करण्यात आले होते. या कार्यक्रमाला तुमसर शहर तसेच तालुक्यातील विविध गावांतील महिलांनी मोठ्या संख्येने उपस्थिती लावली होती.
हा कार्यक्रम ममता बिसेन यांच्या शुभहस्ते पार पडला. कार्यक्रमाच्या यशस्वीतेसाठी शुभांगीताई राहांगडाले यांनी मोलाचे मार्गदर्शन व सहकार्य केले. पारंपारिक पद्धतीने पार पडलेल्या या सोहळ्यामुळे समाजात आनंदाचे आणि चैतन्याचे वातावरण पाहायला मिळाले.कार्यक्रमाच्या नियोजनात आणि अंमलबजावणीत खालील महिलांनी विशेष परिश्रम घेतले.रामेश्वरी पटले,भूमेश्वरी रहांगडाले,ज्योती रिनाइत,यांच्यासह इतर सहकारी महिलांच्या मदतीने हा सोहळा अतिशय छान पद्धतीने पार पडला. उपस्थित महिलांनी एकमेकींना हळदी-कुंकू लावून वाण दिले आणि शुभेच्छांची देवाणघेवाण केली. तुमसर शहरातील आणि तालुक्यातील महिलांच्या उत्स्फूर्त प्रतिसादामुळे या कार्यक्रमाची सर्वत्र चर्चा होत आहे.
