खेमेंद्र कटरे, गोंदिया,दि.02- नागपूर व गोंदिया जिल्ह्यातील ११ नगर परिषदांसाठी ८ जानेवारीला निवडणूक होणार आहे. २४४ जागांसाठी ८६८ उमेदवार निवडणूक रिंगणात आहेत. ५९३ उमेदवारांनी निवडणूक आयोगाकडे विवरणपत्र सादर केले आहे. तिरोडा नगर परिषदेतील प्रकाश कटरे यांनी सर्वाधिक १६ कोटी ३३ लाख २१ हजार ६५७ रुपयांची संपत्ती जाहीर केली आहे. तर गोंदियात मनोहर केशरवानी व संकल्प खोब्रागडे यांनी संपत्तीचे विवरण शून्य दाखविल्याचा अहवाल एडीआर या निवडणूक विश्लेषक संस्थेने दिला आहे. दोन लाखाच्या आत संपत्ती असलेल्या उमेदवारांचा आकडा १३१ इतका आहे.
तिरोडा नगर परिषदेच्या १७ जागांसाठी निवडणूक होत आहे. प्रकाश कटरे यांनी १६ कोटी रुपयांची संपत्ती जाहीर केली आहे. कटरे हे तिरोडा नगर परिषदेच्या प्रभाग क्रमांक ७मधून निवडणूक रिंगणात आहेत. या नगर परिषदेच्या सर्वाधिक उत्पन्न असलेल्या उमेदवारांमध्ये त्यांचा पहिला क्रमांक ठरला आहे. काटोल नगर परिषदेतील प्रभाग क्रमांक दहामधील उमेदवार सुकुमार घोडे यांनी ६ कोटी २७ लाख ८४ हजार ७१४ रुपये, याच वॉर्डातील दुर्गा गिरीश पालीवाल यांनी ४ कोटी ९९ लाख ४४ हजार ८८८ रुपये, सावनेर नगर परिषदेच्या प्रभाग क्रमांक सहामधील रमेश घाटे यांनी ४ कोटी ९३ लाख ५ हजार ३४ रुपये, तिरोडा नगर परिषदेतील शिवसेनेचे उमेदवार सुनील पालांदूरकर यांनी ४ कोटी २१ हजार ४३६ रुपये, कळमेश्वर नगर परिषदेतील प्रकाश वारुलकर यांनी ३ कोटी ९८ हजार २८२ रुपये, तिरोडा नगर परिषदेतील भावना चवळे यांनी २ कोटी ६३ लाख ५२ हजार ५०० रुपये, काटोलच्या मीराबाई उमप यांनी २ कोटी ४० लाख ४२ हजार ९९३ रुपये, गोंदिया नगर परिषदेचे प्रभाग क्रमांक १३मधील भाजपचे उमेदवार राजू पारधी यांनी २ कोटी ३५ लाख २५ हजार ६५९ रुपये तर काटोलचे उमेदवार वासुदेव रामचंद्र राऊत यांनी २ कोटी ३१ लाख ११ हजार ६९० एवढी संपत्ती विवरणपत्रात जाहीर केली आहे.
सर्वाधिक आर्थिक क्षमता असलेल्या दहा उमेदवारांमध्ये पहिल्या क्रमांकावर काटोल नगर परिषदेच्या उमेदवार दुर्गा पालिवाल यांच्याकडे ४७ लाख ३२ हजार ५७६ रुपये, सुकुमार घोडे ४४ लाख २८ हजार ५०९, राजेंद्र मोहनलाल थोमा ३१ लाख ४१ हजार, सावनेरचे उमेदवार रामभाऊ घाटोडे ३० लाख, गोंदियाच्या राष्ट्रवादीच्या उमेदवार सविता मुदलियार २७ लाख ७८ हजार २२ रुपये, तिरोडा येथील उमेदवार अजय गौर २५ लाख, नरखेडचे उमेदवार नयना शंकर भाटूलकर २१ लाख, तिरोडा येथील किरण प्रशांत डहाटे २० लाख ९२ हजार, गोंदिया येथील काँग्रेसचे उमेदवार भगतसिंग ठकरानी यांचे २० लाख ४८ हजार २७६ रुपये, त्याचप्रमाणे नरखेड येथील उमेदवार मुशीर मुजीब शेख यांनी २० लाख ३९ हजार २२१ रुपयांची आर्थिक क्षमता असल्याचे विवरणपत्रात सादर केले आहे.
गोंदिया जिल्ह्यातील लक्षाधीश उमेदवार
गोंदिया जिल्ह्यातील नगर परिषदेच्या निवडणूक रिंगणात असलेल्या उमेदवारांमध्ये संगीता अश्विनकुमार जायस्वाल १ कोटी ९९ लाख २९ हजार ७१९ रुपये, अविनाश जायस्वाल १ कोटी ९४ लाख ३१ हजार ४४४ रुपये, भोजराज धामेचा १ कोटी ७६ लाख ४ हजार ८२९, सुनील भालेराव १ कोटी ५१ लाख ४७ हजार ६६३ रुपये, दिलीप गोपलानी १ कोटी १९ लाख ६७ हजार ६६५ रुपये, राजकुमार कुथे १ कोटी ७ लाख ९३ हजार ६२१ रुपये, अजय गौर १ कोटी ६ लाख ४८ हजार ४९६ रुपये, किरण डहाटे १ कोटी १ लाख ६४ हजार ४२ रुपये, सविता मुदलियार ८५ लाख ५२ हजार, भगतराम ठकरानी ८३ लाख १ हजार ६२०, सुनील येरपुडे ८२ लाख ९१ हजार ९९५ रुपये, रजनी पेलागडे ८२ लाख ३३ हजार, चंद्रशेखर भालेराव ७७ लाख ३७ हजार ९६९ रुपये, नूतन खंडेलवाल ७३ लाख ९० हजार ५०० रुपये, गोंदिया नगराध्यक्षपदाचे राष्ट्रवादीचे उमेदवार अशोक गुप्ता ७१ लाख ५२ हजार ८२७ रुपये, रुपेशकुमार कुथे ७० लाख ४५ हजार ३२९ रुपये, रमणलाल उके ६६ लाख ८२ हजार ६११ रुपये, देवेंद्र राध्येशाम तिवारी ६४ लाख ९३ हजार रुपये, लोकचंद रहांगडाले ६३ लाख ५ हजार, छाया मेश्राम ६० लाख ७० हजार, बेबिनंदा योगेश बनसोड ५८ लाख २६ हजार, व्यंकटराव पाथरू ५८ लाख १९ हजार, श्वेता पुरोहित ५६ लाख ५ हजार ३६३ रुपये, लता नीरज रहांगडाले ५० लाख ४६ हजार ४४९ रुपये आणि मालती कापसे यांनी ४९ लाख ८७ हजार रुपयांची संपत्ती दाखविली आहे.
