‘लोकनेते स्व. अजितदादा पवार जयंती सेवा सप्ताह’ निमित्त धामणेवाडा येथे आयुष्यमान आरोग्य मंदिर उपकेंद्राचे लोकार्पण

; भव्य आरोग्य शिबिरास उत्स्फूर्त प्रतिसाद

गोंदिया,दि.२५ :देशाचे ज्येष्ठ नेते मा. खासदार प्रफुलभाई पटेल व मा. खासदार राजेंद्रजी जैन यांच्या मार्गदर्शनाखाली २२ जुलै ते ०२ ऑगस्ट २०२६ या कालावधीत ‘लोकनेते स्व. माजी उपमुख्यमंत्री अजितदादा पवार जयंती सेवा सप्ताह’ निमित्त विविध जनकल्याणकारी कार्यक्रमांचे आयोजन करण्यात आले आहे. या सप्ताहाचे औचित्य साधून धामणेवाडा येथे आयुष्यमान आरोग्य मंदिर उपकेंद्राचा लोकार्पण सोहळा आणि भव्य मोफत आरोग्य शिबिर अत्यंत उत्साहात व भावूक वातावरणात संपन्न झाले.या कार्यक्रमाला स्थानिक ग्रामस्थ व परिसरातील नागरिकांचा उदंड प्रतिसाद लाभला.

मान्यवरांच्या हस्ते दिमाखदार उद्घाटन

कार्यक्रमाचे उद्घाटन गोंदिया जिल्हा परिषदेचे उपाध्यक्ष तथा शिक्षण, आरोग्य व क्रीडा सभापती सुरेश हर्षे यांच्या हस्ते पार पडले. कार्यक्रमाच्या अध्यक्षस्थानी जिल्हा परिषद सदस्या  सौ. अश्विनीताई रविकुमार पटले उपस्थित होत्या.तत्पूर्वी, अजाबराव रिनायत (सदस्य, पंचायत समिती गोंदिया),  हिरामन मसराम (सरपंच, धामणेवाडा) आणि सामाजिक कार्यकर्ते  राजेश कटरे यांच्या शुभहस्ते दीपप्रज्वलन करून कार्यक्रमाची रीतसर सुरुवात करण्यात आली.

विविध आरोग्य सेवांचा शेकडो लाभार्थ्यांनी घेतला लाभ

ग्रामीण भागातील जनतेला घराजवळच उत्तम दर्जाच्या वैद्यकीय सुविधा मिळाव्यात, या उद्देशाने आयोजित या भव्य शिबिरात नागरिकांनी मोठ्या संख्येने हजेरी लावली.

या सोहळ्याला परिसरातील अनेक राजकीय, सामाजिक व शासकीय क्षेत्रातील मान्यवरांची प्रमुख उपस्थिती होती.प्रमुख अतिथी:  पुरणलालजी बोपचे (अध्यक्ष, तंटामुक्ती समिती), राधेलालजी बोपचे (अध्यक्ष, सेवा सहकारी संस्था), डॉ. वैशाली बिसेन (वैद्यकीय अधिकारी, प्रा.आ. केंद्र एकोडी),सौ. सुजाताताई पारधी (पोलीस पाटील), सौ. सोनल कांबळे (सामुदायिक आरोग्य अधिकारी), डॉ. चंद्रकिशोर एच. पारधी (नेत्रशल्य चिकित्सक),रविकुमार पटले (माजी सरपंच) आणि खेमराज तिडके (माजी पं. स. सदस्य).धर्मराजजी ठाकरे, सौ. आराधनाताई असाटी,सोनुभाऊ तिडके,अजितजी धुर्वे, सौ. लक्ष्मीताई रिनायत, सौ. भूमेश्वरीताई अंबुले, सौ. रक्षाताई वंजारी, सौ. संपत्तीताई उईके, श्रीमती मीनाक्षीताई बिसेन (ग्राम विकास अधिकारी), श्री. राजेशजी सांसरोदे, लंकेश पटले, प्रदीप बिसेन,जगदीशभाऊ,गोविंद लिचडे,वासुदेव बिसेन व विनोद कोहपरकर यांच्यासह गावातील नागरिक मोठ्या संख्येने उपस्थित होते.यावेळी बोलताना उपस्थितांनी ग्रामीण भागात दर्जेदार आरोग्य सेवांची गरज अधोरेखित करत प्रत्येक नागरिकाने वेळेवर तपासणी करून निरोगी जीवनशैली अंगीकारावी, असे आवाहन केले.

उत्कृष्ट नियोजनामुळे कार्यक्रम यशस्वी

हे शिबिर यशस्वी करण्यासाठी डॉ. चंद्रकिशोर एच. पारधी व त्यांच्या संपूर्ण नेत्रचिकित्सा पथकाने विशेष परिश्रम घेतले. तसेच प्राथमिक आरोग्य केंद्र एकोडी, आयुष्यमान आरोग्य मंदिर उपकेंद्र धामणेवाडा, ग्रामपंचायत धामणेवाडा, आरोग्य विभागाचे अधिकारी-कर्मचारी आणि सर्व धामणेवाडा ग्रामस्थांचे मोलाचे सहकार्य लाभले.आयोजकांच्या वतीने वैद्यकीय पथक, उपस्थित मान्यवर, अधिकारी व ग्रामस्थांचे मनःपूर्वक आभार मानण्यात आले.