विद्यार्थिनीची हातावर ‘कट हियर टू एक्झिट’ लिहून आत्महत्या

नागपूर,दि.06 – शहरातील बेलतरोडी पोलीस ठाणेंतर्गत येत असलेल्या नरेंद्रनगर परिसरातील एका १७ वर्षीय विद्यार्थीनीने आत्महत्येपूर्वी हातावर इंग्रजीत ‘कट हियर टू एक्झिट’ लिहून गळफास घेऊन आत्महत्या केल्याची घटना समोर आली आहे.मानसी अशोक जोनवाल, असे या मृत विद्यार्थिनीचे नाव आहे. मानसीला १२ वीला ७२% गुण मिळाले होते. १२ वी उत्तीर्ण झाल्यानंतर पाहिजे त्या महाविद्यालयामध्ये प्रवेश न मिळाल्याने तिने महाविद्यालयात प्रवेश घेतला नव्हता. तेव्हापासून ती घरीच होती. तसेच तिला मोबाईलवर गेम खेळण्याचीही सवय होती. महाविद्यालयात प्रवेश न घेतल्याने तिला मित्र-मैत्रिणीही फार नव्हत्या. मात्र, परिसरातील लोक आणि शेजाऱ्यांसोबत ती हसत खेळत राहायची. ती जास्तीत जास्त वेळ मोबाईलवर घालवायची, असेही सांगितले जात आहे.