घरगुती गॅस सिलिंडर तीन रुपयांनी महाग

0
17

केंद्र सरकारने गॅस वितरकांच्या कमिशनमध्ये वाढ केल्यामुळे घरगुती वापराच्या अनुदानित गॅस सिलिंडर तीन रुपयांनी महाग झाला आहे. 
सरी-लूश्रळपवशीनवी दिल्ली ह्न केंद्र सरकारने गॅस वितरकांच्या कमिशनमध्ये वाढ केल्यामुळे घरगुती वापराचा अनुदानित गॅस सिलिंडर तीन रुपयांनी महाग झाला आहे. मागच्या आठवडयात केंद्र सरकारने १४.२ किलोच्या प्रति सिलिंडरमागे वितरकांचे कमिशन तीन रुपयांनी वाढवले.
त्यामुळे वाढलेल्या कमिशनचा भार ग्राहकांवर टाकण्यात आला असून, अनुदानित प्रति सिलिंडर तीन रुपयांनी महाग झाला आहे. आता वितरकांना प्रति सिलिंडर ४३.७१ कमिशन मिळणार आहे. यापूर्वी डिसेंबर २०१३ मध्ये वितरकांच्या कमिशनमध्ये ३.४६ रुपये वाढ करण्यात आली होती. त्यावेळी वितरकांना प्रति सिलिंडर ४०.७१ रुपये कमिशन मिळत होते.
आता नव्या दरानुसार दिल्लीमध्ये १४.२ किलोचा प्रति सिलिंडर ४१७ रुपयांना मिळेल. आधी ४१४ रुपयांना मिळत होता. मुंबईमध्ये ४५२ रुपयांना सिलिंडर मिळेल. आधी ४४८.५० या दराने सिलिंडर मिळत होता. सरकारकडून प्रत्येक ग्राहकाला वर्षाला बारा अनुदानित सिलिंडर मिळतात.