जानवीर यांची जळगाव येथे बदली
गोंदिया- महावितरणच्या मुख्य अभियंता संवर्गातील स्थानांतरणाचे आदेश आज मुख्य सामान्य व्यवस्थापक कविता घरत यांनी काढले आहेत. महावितरणच्या गोंदिया झोनची जबाबदारी आता जळगावचे मुख्य अभियंता जिजोबा महादेवराव पारधी यांच्याकडे सोपविण्यात आली आहे.
मिळालेल्या माहितीनुसार, आज (ता२४) महावितरणच्या मुख्य सामान्य व्यवस्थापक कविता किरण घरत यांनी स्थानांतरणाचे आदेश काढले. यात जळगाव झोनचे मुख्य अभियंता असलेले पारधी यांची गोंदिया येथे बदली करण्यात आली. तर गोंदियाचे मुख्य अभियंता ब्रिजकुमारqसग कुवरqसग जानवीर यांचे जळगाव येथे समान पदावर स्थानांतरण करण्यात आले. याशिवाय लातूर झोनचे मुख्य अभियंता असलेले अनिल भगवान भोसले यांची कोकण विभागाचे गुणवत्ता नियंत्रक म्हणून मंत्रालयात बदली करण्यात आली आहे. ते कोकण विभागाचे गुणवत्ता समन्वयक म्हणून काम पाहतील. लातूर विभागात कार्यरत मुख्य अभियंता किशोर जयराम मेश्राम यांचेवर नागपूर विभागातील गुणवत्ता नियंत्रक पदाची जबाबदारी देण्यात आली आहे. कल्याण विभागात गुणवत्ता नियंत्रक म्हणून कार्यरत असलेले रफिक गफूर शेख यांचे नागपूर झोनचे मुख्य अभियंता म्हणून स्थानांतरण करण्यात आले आहे. या सर्व अधिकाèयांना २९ तारखेपर्यंत कार्यमुक्त होण्याचे आदेश आहेत.
