मुंबई,दि.24:-भारतातील नागरिकांसाठी सामाजिक सुरक्षिततेची योजना म्हणून सुरू करण्यात आलेल्या प्रधानमंत्री सुरक्षाविमा योजना व प्रधानमंत्री जीवन ज्योती विमा योजनेत सहभागी होण्याचे आवाहन महावितरणने केले असून यायोजनेत जास्तीत जास्त सहभाग वाढविण्यासाठी महावितरणकडून विशेष प्रयत्न केले जात आहेत.प्रधानमंत्री सुरक्षा विमा योजना व प्रधानमंत्री जीवन ज्योती विमा योजना या दोन्ही योजनांचा कालावधी प्रत्येकवर्षासाठी 1 जून ते 31 मे असा राहणार आहे. विमा राशीची रक्कम प्रत्येकी रुपये 2 लाख एवढी आहे. दोन्हीयोजनांसाठी राष्ट्रीयकृत बँकेत बचत खाते आवश्यक आहे.
प्रधानमंत्री सुरक्षा विमा योजनेत सहभागी होण्यासाठी वयाची अट 18 ते 70 वर्षे आहे. यात कर्मचाऱ्याने केवळ रु.12/- एवढा वार्षिक विमा हप्ता भरायचा असून कर्मचाऱ्यांस अपघात झाल्यास त्याला दोन लाखपर्यन्त विमा रक्कमनुकसानभरपाई म्हणून मिळेल.प्रधानमंत्री जीवन ज्योती विमा योजनेत कर्मचाऱ्याला रु. 330/- एवढा वार्षिक विमा हप्ता भरावयाचा असून यायोजनेमध्ये वयाची अट 18 ते 50 वर्षे आहे. या कालावधीत कर्मचाऱ्याचा कोणत्याही कारणास्तव मृत्यू झाल्यासत्याच्या अवलंबितास रु. 2 लाख इतकी रक्कम देय आहे.या दोन्ही योजनांची सविस्तर माहिती महावितरणचे संकेतस्थळ www.mahadiscom.in यावर उपलब्ध असूनकर्मचाऱ्यांनी योजनेत मोठ्या प्रमाणात सहभागी व्हावे, असे आवाहन महावितरणने केले आहे.
