सुकाणू समितीने केली 10 हजारांच्या मदतीच्या जीआरची होळी

मुंबई,दि.10 : उच्चाधिकार मंत्रिगट आणि सुकाणू समिती सदस्यांच्या निकष निर्धारण समिती मधल्या बैठकीची पहिली फेरी संपली. मात्र बैठकीनंतर सुकाणू समितीच्या सदस्यांनी 10 हजारांच्या मदतीच्या अध्यादेशाची प्रत जाळत सरकारप्रती असलेली नाराजी जाहिर केली.आम्ही दहा हजाराची मागणीच केलेली नसतांना ही अट टाकणे म्हणजे विश्वासघात असल्याचे समितीच्या सदस्यांचे म्हणने आहे.खरीप हंगामासाठी तात्काळ 10 हजार रुपये मदत करण्याबाबतच्या जीआरमध्ये सुधारणा करण्यास सरकार सकारात्मक असल्याची माहिती महसूल मंत्री चंद्रकांतदादा पाटील यांनी बैठकीनंतर घेतलेल्या पत्रकार परिषदेत दिली. सुकाणू समितीच्या सदस्यांना जाचक अटी शिथील करण्याबाबत सूचना करणार असल्याचेही ते म्हणाले.