मेळघाटात वाघ मृतावस्थेत आढळले

अमरावती,18 – मेळघाट व्याघ्र प्रकल्पाचे फेरी पलकंडी मध्ये एका वाघाचे मृतदेह अर्धवट कुजलेल्या अवस्थेत वन्यजीव विभागाच्या गस्ती पथकाला गेल्या रविवारी आढळून आल्याची घटना समोर आली आहे.
मेळघाट व्याघ्र प्रकल्पाच्या अकोट वन्यजीव विभागातील अंबाबरवा परिक्षेत्रात मोडणाऱ्या उत्तर मंगेरी बीट कंपार्टमेन्ट क्रमांर 351 मध्ये एका उपप्रौढ वाघाचा मृतदेह गस्ती पथकातील वनरक्षक आसाराम कसदेकर यांना आढळून आला. या वाघाचा मृतदेह अर्धवट कुजलेल्या स्थितीत एख दांडा आणि पंजा पथकाच्या हाती लागल्याचे वन्यजीव विभागाच्या सूत्रांनी सांगितले. मृतदेह कुजलेल्या अवस्थेत असल्याने त्या वाघाचे निश्चित वय आणि लिंग यांचे निदान करता आले नाही. सदर वाघाचा मृत्यू हा दोन वाघांच्या संचारक्षेत्रातील क्षेत्राला घेऊन झालेल्या लढतीत झाला असल्याचा कयास वनाधिकाऱ्यांनी लावला आहे. अकोटच्या फिरत्या पथकाने लगतच्या गावातील काही पशू मृत झाला वा इतर घटना तर घडली नसावी, यासंबंधी तपास सुद्धा करण्यात आला.
अमरावती जिल्ह्यातील मानद वन्यजीव अभियंता सावंत देशमुख, अमरावतीचे प्रमुख वन्यजीव अभियंता विशाल बन्सोड, राष्ट्रीय व्याघ्र संवर्धन प्राधिकरण (एनटीसीए) आणि बुलढाणा जिल्ह्यातील मानद वन्यजीव अभ्यासाचे मनजीत सिंग, यांच्या उपस्थितीत पशुवैद्यकीय अधिकारी डॉ. फारूकी यांनी वाघाच्या मृतदेहाचे शवविच्छेदन केले.