देवरी,दि.06 –देवरी पंचायत समितीच्या सभापती उपसभापती पदासाठी आज झालेल्या निवडणुकीत सभापतीपदी सौ.अंबिका बंजार तर उपसभापतीपदी अनिल बिसेन यांची निवड झाली.देवरी पंचायत समितीच्या एकूण १० जागांसाठी निवडणूक झाली होती. यापैकी ६ जागांवर भाजपने विजय प्राप्त करीत सत्तेच स्पष्ट बहुमत मिळविले आहे. तर काँग्रेसला ४ जागांवर समाधानी व्हावे लागले. या पंचायत समितीमध्ये राकाँला खातेही उघडता आले नव्हते.
