मुंबई- भारतीय क्रिकेट नियामक मंडळाने १८ नोव्हेंबर रोजी कार्यकारिणी समितीची तातडीचे बैठक बोलावली आहे. आयपीएल स्पॉटफिक्सिंग आणि बेटिंग प्रकरणी मुदगल समितीच्या अहवालातील सात जणांची नावे सर्वोच्च न्यायालयाने शुक्रवारी उघड केली होती. त्याचवेळी न्यायालयाने बीसीसीआयची निवडणूक आणि वार्षीक सर्वसाधारण सभा न घेण्याचे आदेश दिले होते.बीसीसीआयच्या निवडणुका २० नोव्हेंबर रोजी होणार होत्या मात्र न्यायालयाच्या निर्णयामुळे त्या चार आठवडे पुढे ढकलण्यात आल्या आहेत.
