नवी दिल्ली- भारताच्या २०१५ च्या प्रजासत्ताक दिन सोहळ्याला अमेरिकेचे अध्यक्ष बराक ओबामा हे प्रमुख पाहुणे म्हणून उपस्थित राहणार आहेत, अशी माहिती व्हाइट हाऊसने दिली. भारताने दिलेले आमंत्रण ओबामा यांनी स्वीकारले आहे. भारत आणि अमेरिकेतील संबंध अधिक दृढ करण्यासाठी ओबामा हे भारतात येणार आहेत.
प्रजासत्ताक दिनाला पंतप्रधान नरेंद्र मोदी यांनी अमेरिकेचे अध्यक्ष बराक ओबामा यांना निमंत्रण दिले होते. याची माहिती खुद्द मोदींनी आपल्या ट्विटरवरून माहिती ही दिली होती.
भारतीय प्रजासत्ताक दिनाच्या कार्यक्रमास येणारे ते पहिले अमेरिकन अध्यक्ष ठरले आहेत.
