बालाघाट,दि.24ः- मध्य प्रदेशातील बालाघाट जिल्हा रुग्णालयात एक अनोखा प्रकार समोर आला आहे. रुग्णालयात एका महिलेने तीन मुल आणि एका मुलीला जन्म दिला आहे. मुलांच्या जन्माबद्दल आनंद व्यक्त करताना कुटुंबीयांनी सांगितले की, आमचा आनंद आणखीन जास्त द्विगुणीत झाला आहे.किरणापूर तालुक्यातील जरही गावातील 26 वर्षीय प्रीती नंदलाल मेश्राम हिने एकावेळी 4 मुलांना जन्म दिला आहे. यामध्ये तीन मुले आणि एका मुलीचा समावेश आहे. चारही मुले आणि आई निरोगी आहेत. बालाघाट जिल्ह्यातील ही पहिलीच घटना आहे.
सिव्हिल सर्जन कम हॉस्पिटलचे अधीक्षक डॉ.संजय धाबरगावे यांनी सांगितले की, डॉ. रश्मी वाघमारे आणि भूलतज्ज्ञ डॉ. दिनेश मेश्राम, स्टाफ सिस्टर सरिता मेश्राम आणि त्यांच्या कुशल टीममध्ये ट्रॉमा युनिटच्या तज्ज्ञांच्या टीममध्ये प्रीती नंदलाल मेश्राम (26) यांचा समावेश असून आज सकाळी 11 वाजता डॉ. ऑपरेशन केले. चारही मुलांना एनसीयूमध्ये दाखल करण्यात आले आहे. सध्या चारही मुले निरोगी आहेत.
