मुंबईतील कांदिवली परिसरातील पोईसर मेट्रो स्टेशनजवळ एक भीषण अपघात घडला आहे, ज्यामध्ये प्रसिद्ध मराठी अभिनेत्री उर्मिला कोठारेच्या कारने दोन मजुरांना चिरडले आहे. या अपघातात एक मजुराचा मृत्यू झाला आहे, तर दुसरा मजुर गंभीर जखमी झाला आहे.
उर्मिला कोठारे (Urmila Kothare) शूटिंग संपवून घरी परतत होती तेव्हा हा अपघात झाला. त्यावेळी तिची कार वेगात होती आणि ड्रायव्हरचं कारवरील नियंत्रण सुटल्यानं कार रस्त्याच्या कडेला काम करत असणाऱ्या मजुरांना धडकून गेली. ही घटना मुंबईच्या कांदिवली पश्चिमच्या पोईसर मेट्रो परिसरात घडली आहे.
अपघाताच्या वेळी उर्मिला कोठारे (Urmila Kothare) आणि ड्रायव्हर देखील दुखापत झाले आहेत. कारचा वेग जास्त असल्याने हा अपघात झाला आहे, असं पोलिसांनी सांगितलं आहे. घटनास्थळावरील व्हिडीओ आणि फोटो समोर आले आहेत, ज्यात कारचा भाग समोरून चक्काचूर झाला आहे.
या अपघातात एक मजुराचा मृत्यू झाला आहे, तर दुसरा मजुर गंभीर जखमी झाला आहे. जखमी मजुराला तातडीने रुग्णालयात दाखल करण्यात आले आहे आणि त्याच्यावर उपचार सुरू आहेत. या घटनेने स्थानिक नागरिक आणि अभिनेत्री उर्मिला कोठारे यांच्या चाहत्यांमध्ये खेदाची भावना निर्माण झाली आहे.
