धानोरा तालुक्यात आढळले नक्षली बॅनर

धानोरा (गडचिरोली) : तालुक्यातील मुरूमगाव, बेलगाव व सावरगाव परिसरात सोमवार, १९ सप्टेंबर रोजी सकाळच्या सुमारास नक्षली मजकूर नमूद असलेले बॅनर आढळून आले. मुरूमगाव, बेलगाव व सावरगाव हा परिसर नक्षलदृष्ट्या अतिसंवेदनशील आहे. या परिसरात आढळून आलेल्या बॅनरमध्ये २१ ते २७ सप्टेंबरदरम्यान पार्टीचा १२वा वर्धापनदिन सप्ताह साजरा करा, आदिवासी, दलित, महिला व अल्पसंख्याकांच्या समस्यांवर लक्ष केंद्रित करून व्यापक जनआंदोलन उभारा, अशा आशयाचा मजकूर नमूद आहे. सदर बॅनरमुळे परिसरात दहशत निर्माण झाली आहे