जिल्ह्यात शांतते मतदान,पहिल्यांदाच मुरकुटडोह येथे मतदान

जिल्ह्यातील 348 ग्राम पंचायतींपैकी 345 ग्रामपंचायतींच्या निवडणूका रविवारी 18 डिसेंबर रोजी शांतते पार पडल्या दरम्यान, सरपंच पदासाठी 1 हजार 7 तर ग्रामपंचायत सदस्याच्या 3 हजार 22 जागासाठी 6 हजार 210 उमेदवारांनी आपले भाग्य आजमावले. ज्यामध्ये जिल्ह्यातील 1120 केंद्रांवर 5 लाख 32 हजार 144 मतदारांपैकी दुपारी दिड वाजतापर्यंत 2 लाख 99 हजार 13 मतदारांनी मतदानाचा हक्क बजावला. ज्याची टक्केवारी 56.19 टक्के इतकी आहे.

,सालेकसा तालुक्यातील दरेकसा ग्रामपंचायतीत येत असलेल्या मुरकुटडोह येथे पहिल्यांचा मतदान केंद्र देण्यात आले असता येथील मतदानाची वेळ दुपारी 2 वाजतापर्यंत देण्यात आली होती.
सालेकसा तालुक्यात 3 वाजतापर्यंत मतदान
जिल्ह्यातील सालेकसा तालुका नक्षलदृष्ट्या अतिसंवेदनशिल तालुका म्हणून ओळखला जात असून या  तालुक्यातील 31 ग्रामपंचायतीच्या निवडणूकांसाठी मतदानाच्या वेळेत बदल करण्यात आली होती. त्यामुळे येथील सकाळी 7.30 ते दुपारी 3 वाजतापर्यंत पार पडले. त्यातच दरेकसा ग्रामपंचायतीच्या वार्ड क्रमांक 2 मुरकुटडोह येथे पहिल्यांदा मदतान केंद्र देण्यात आले यावेळी कोणत्याही प्रकारची अनुचित घटना घडू नये, यासाठी पोलिसांचा कालपासूनच मतदान केंद्रावर बंदो.बस्त लावण्यात आला होता.