गोंदिया,दि.17-शंभर दिवसीय टीबी मुक्त भारत कार्यक्रम अंतर्गत निक्षय शिबीरात रेल्वे विभागातील 94 अधिकारी/कर्मचारी व सफाईगार यांची 90 एक्स-रे व 24 थुंकी नमुने तपासणी शिबीर संपन्न झाले.जिल्हा शल्यचिकित्सक डॉ.अमरीश मोहबे,जिल्हा आरोग्य अधिकारी डॉ.नितीन वानखेडे,जिल्हा क्षयरोग अधिकारी डॉ.अभिजीत गोल्हार यांच्या मार्गदर्शनात निक्षय शिबीराचे उद्घाटन नागपूर विभागाचे जागतिक आरोग्य संघटना सल्लागार डॉ.संकेत नांदेकर,गोंदिया येथील रेल्वे रुग्णालयाचे वैद्यकीय अधिकारी डॉ.एस.लक्ष्मी लावण्या, जिल्हा क्षयरोग अधिकारी डॉ.अभिजीत गोल्हार, जिल्हा क्षयरोग केंद्र येथील वैद्यकीय अधिकारी डॉ.वेदप्रकाश चौरागडे व डॉ.देव चांदेवार,निवासी वैद्यकीय अधिकारी डॉ.अजय घोरमारे यांच्या प्रमुख उपस्थितीत संपन्न झाले.
जिल्हा क्षयरोग अधिकारी डॉ.अभिजीत गोल्हार यांनी भारत सरकारच्या महत्वाकांक्षी धोरणानुसार सन २०२५ पर्यंत टीबी मुक्त भारत कार्यक्रम अंतर्गत टिबी वर मात करण्यासाठी विविध उपक्रमाच्या माध्यमातुन समाजातुन टीबी हद्दपार करण्याचे उद्दिष्ट असल्याचे सांगितले.त्या दृष्टीने जिल्हयामध्ये शंभर दिवसीय टीबी मुक्त भारत कार्यक्रम अंतर्गत रुग्णशोध मोहिम दि.७ डिसेंबर २०२४ पासुन सुरु करण्यात आली असुन जिल्ह्यातील सर्व आरोग्य संस्थेत नविन क्षयरुग्णांचे शोध मोहिम राबवुन मोफत औषधोपचार देण्यात येत आहे.क्षयरोगाचा प्रसार थुंकीद्वारे एका रुग्णापासुन दुस-याला होत असतो.क्षयरोग हा मायक्रोबॅक्टोअिम ट्युबरक्युलोसिस नावाच्या या जंतुमुळे होणारा संसर्गजन्य रोग आहे. रोगप्रतिकारशक्ती कमी झाल्यावर क्षयरोगाचा प्रादुर्भाव जास्त प्रमाणात होतो.क्षयरोग प्रसाराचे प्रमाण कमी करणे व मृत्युदर कमी करण्याच्या दृष्टीने दि. ७ डिसेंबर २०२४ ते २४ मार्च २०२५ पर्यत १०० दिवसीय क्षयरोग मोहिम राबविण्यात येत असल्याचे सांगितले.
या मोहिमेत निक्षय शिबिराद्वारे कार्यक्षेत्रातील झोपडपट्टीमध्ये राहणारे लोक व अतिजोखमीच्या लोकसंख्येची तपासणी करण्यात येत असुन त्यामध्ये २ आठवडेपेक्षा जास्त दिवसाचा खोकला, मंदावणे, वजन कमी होणे, छातीत दुखणे, संध्याकाळी येणारा हलका ताप, थुंकीवाटे रक्त पडणे, पुर्वी क्षयरोग झालेले क्षयरोग बाधित रुग्णाच्या सहवासीत, एचआयव्ही बाधित रुग्ण, कुपोषीत व्यक्ती, ६० वर्षावरील व्यक्ती, मधुमेह बाधित, धुम्रपान करणारे व्यक्ती झोपडपट्टीमध्ये म्हणजे दाटीवाटी मध्ये राहणारे लोक, आश्रमशाळा येथील विद्यार्थी, सफाई कर्मचारी यांची क्षयरोगाबाबतची तपासणी करण्यात येत आहे. तपासणी अंती निदान झालेल्या संशयित रुग्णांचे मोफत एक्स-रे/ थुंकी नमुने तपासण्यात येत असल्याचे सांगितले.
रेल्वे हॉस्पिटल गोंदिया येथे येथील निक्षय शिबिर दि.16 ते 18 जानेवारी 2025 पर्यंत एकूण तीन दिवस क्षयरोगाबाबतची तपासणी करण्यात करण्यात येणार असुन शिबिरा दरम्यान रेल्वे स्टेशन येथील कार्यरत सफाई कर्मचारी तसेच रेल्वे विभागात कार्यरत अधिकारी/कर्मचारी यांना क्षयरोगाची माहिती देवुन जनजागृती करण्यात येणार असल्याचे डॉ.गोल्हार यांनी सांगितले आहे.
पहिल्याच दिवशी रेल्वे विभागातील 94 अधिकारी/ कर्मचारी व सफाईगार यांची तपासणी सोबत 90 एक्स-रे व 24 थुंकी नमुने गोळा करण्यात आल्याची माहीती डॉ.वेदप्रकाश चौरागडे यांनी दिली आहे.
आशा कल्प संस्थेमार्फत एक्स-रे तपासणी करण्यात येत असून संशयित क्षयरुग्णांचे थुंकी नमुने घेऊन जिल्हा क्षयरोग केंद्र गोंदिया येथील प्रयोगशाळेत (डीएमसी) येथे सॅम्पल तपासणी करण्यात येणार असल्याचे डॉ.देव चांदेवार यांनी सांगितले आहे.
रेल्वे प्रशासनामार्फत रेल्वे स्टेशनवरील प्लँटफॉर्मवर क्षयरोग आजार व शंभर दिवसीय टीबी मुक्त भारत कार्यक्रम ऑडिओ क्लिप,व्हिडिओ क्लिप व बॅनर द्वारे जनजागृती करुन क्षयरोग आजाराबाबतची माहिती जनसामान्यापर्यंत पोहोचविण्यात येत असल्याची माहीती जिल्हा पीपीएम समन्वयक प्रज्ञा कांबळे यांनी माहीती दिली आहे.
रेल्वे रुग्णालय येथील निक्षय शिबिर यशस्वी करण्यासाठी वैद्यकीय अधिकारी रेल्वे रुग्णालय डॉ.एस.लक्ष्मी.लावण्या,नागरी प्राथमिक आरोग्य केंद्र कुंभारे नगर येथील वैद्यकीय अधिकारी डॉ.सलील पाटील,डॉ.वेदप्रकाश चौरागडे,डॉ.देव चांदेवार,क्षयरोग विभागाचे जिल्हा कार्यक्रम समन्वयक कटरे,जिल्हा पीपीएम समन्वयक प्रज्ञा कांबळे,केटीएस सामान्य रुग्णालयाचे वैद्यकीय अधिकारी डॉ.निखिल डोंगरे,क्षयरोग पर्यवेक्षक हरिश चींधालोरे,उर्मिला बघेले, टीबीएचव्ही आकाश चुन्ने,योगिता अडसड,आरोग्य सेविका वर्षा बोरकर,राखी गौतम,स्टाफ नर्स पायल गौतम,आशा सेविका संगीता रामटेककर,नमिता यादव,विद्या तिरपुडे,आरोग्य सेवक सोनल कुमार सावरकर,आकाश निकोसे,एक्स-रे टेक्निशियन इंदरजी,एनजीओचे अनिकेत राऊत,आशिष बावनथडे, प्रीत कांबळे यांचे सोबत रेल्वे रुग्णालयाचे स्टाफ नर्स प्रज्ञा साखरे,फार्मासिस्ट कोमल सतदेवे,पर्यवेक्षक देवेंद्र बेंडे,महेश ऑक्टोकर,सुषमा रगडे यांनी पुढाकार घेउन आरोग्य सेवा प्रदान केली.