समाजात उल्लेखनीय कार्य करणाऱ्या कर्मयोगीना शामराव बापू कापगते स्मृती प्रतिष्ठान पुरस्कार जाहीर

0
36

अर्जुनी मोर.-स्व. माजी आमदार श्यामराव बापू कापगते स्मृती प्रतिष्ठान साकोली च्या वतीने स्वर्गीय शामराव बापूंच्या आठवणींना उजाळा देण्यासाठी समाजात उल्लेखनीय कार्य करणाऱ्या कर्मयोगींची पारदर्शक निवड करून यथोचित सन्मान केला जातो. त्या अनुषंगानेच यावर्षी शिक्षण कला कृषी साहित्य आरोग्य ईत्यादी क्षेत्रात अशा विविध क्षेत्रातील व्यक्तींना  प्रतिष्ठानच्या वतीने पुरस्कार जाहीर करण्यात आले आहेत.त्यांचा पुरस्कार वितरण सोहळा स्थानिक प्रसन्ना सभागृह येथे ता.०६ फेब्रुवारी  रोजी पार पडणार असल्याची माहिती प्रतिष्ठानचे अध्यक्ष डॉ. गजानन डोंगरवार यांनी पत्रपरिषदेत दिली.

“ निवड करण्यात आलेल्यांमध्ये प्रामुख्याने हरिभक्त परायण प्रशांत ठाकरे महाराज यांना जीवन गौरव पुरस्कार,प त्रकारिता क्षेत्रात उल्लेखनीय कार्य करणाऱ्या दैनिक हितवादचे जिल्हा प्रतिनिधी अपूर्व मेठी गोंदिया व तरुण भारतचे अर्जुनी मोर. तालुका प्रतिनिधी सुरेन्द्रकुमार ठवरे  यांना पत्रकारिता पुरस्कार, महिलांसाठी काम करणाऱ्या समाजसेविका सौ. भावना दीपक कदम गोंदिया यांना मातोश्री महिला पुरस्कार, कलाक्षेत्रातील उल्लेखनीय कार्य करणाऱ्या सौ. योगिता दिनेश मौजे कवलेवाडा, इतर व्यवसायांसह कृषी क्षेत्रात आपली छाप पाडणाऱ्या दादा फुंडे अर्जुनी मोरगाव यांना कृषीरत्न पुरस्कार, वैद्यकीय क्षेत्रात रुग्णांची प्रामाणिक सेवा करणाऱ्या डॉ.अभिमन कापगते नवेगाव बांध यांना वैद्यकीय पुरस्कार, साहित्य क्षेत्रात उल्लेखनीय कार्य करणारे दूधबुरे, युवकांसाठी काम करणाऱ्या हेमंत ब्राह्मणकर लाखणी यांना युवा पुरस्कार, अंग मेहनत करून कुटुंबाचं पालन पोषण करणाऱ्या जयदेव टेंभुर्णे अर्जुनी मोरगाव यांना श्रमिक पुरस्कार तर शिक्षण क्षेत्रात उत्तमकार्य करणाऱ्या नरेंद्र बनकर अर्जुनी मोरगाव इत्यादींचा समावेश आहे.”  या नवरत्नांना पुरस्कार वितरण जेष्ट प्रचारक प्रशांत हरताळकर विश्व मांगल्य सभा यांच्या हस्ते माजी मंत्री आमदार राजकुमार बडोले, परिणय फुके, पद्मश्री परसरामजी खुणे, जिल्हा परिषद अध्यक्ष लायकराम भेंडारकर ,प्राचार्य निना पिसे, उपविभागीय अधिकारी वरुणकुमार शहारे ,सभापती आम्रपाली डोंगरवार, तहसीलदार अनिरुद्ध कांबळे, नगराध्यक्ष मंजूषा बारसागडे, ईत्यादी यांच्या प्रमुख उपस्थितीत माजी आमदार केशवराव मानकर यांच्या अध्यक्षतेखाली (  ता.०६ ) पार पडणार असल्याची माहिती अध्यक्ष डॉ. गजानन डोंगरवार यांनी पत्र परिषदेत उपस्थित पत्रकरांना देण्यात आली. यावेळी पत्र परिषदेला माजी सरपंच कुंदा डोंगरवार, समाजसेविका गीता ब्राह्मणकर या प्रामुख्याने उपस्थित होत्या