➡️ जिल्ह्यातील हजारो शिक्षक बंधू- भगिनी सहभागी होणार
गोंदिया,दि२२::–महाराष्ट्र राज्य प्राथमिक शिक्षक समिती ही संघटना संपूर्ण महाराष्ट्रात विद्यार्थी,समाज व शिक्षक हितासाठी लढणारी अग्रणी संघटना आहे. संघटनेने सामर्थ्याच्या भरवष्यावर अनेक जटिल प्रश्न निकाली काढण्याचे काम शिक्षक समितीने केले आहे. विशेषता: गोंदिया जिल्ह्यात शिक्षक समितीने सामाजिक क्षेत्रात भरीव काम केले असून जनमानसात संघटनेबद्दल पालकांचा दृष्टिकोन सुद्धा सकारात्मक असल्याचे दिसून येईल. दिनांक २३ फरवरी २०२५ रोज रविवारला “जिल्हा अधिवेशन व भव्य शिक्षण परिषद प्रेरणा कार्यशाळा” महाराष्ट्र राज्य प्राथमिक शिक्षक समिती गोंदिया तर्फे अयोजन करण्यात आले आहे .
अधिवेशनात शिक्षण विषयक धोरण, शिक्षकांसमोरील आवाहने सोबतच जिल्हा परिषद शाळा टिकविण्यासाठी व संवर्धनासाठी शिक्षकाची काय भूमिका राहील? यावर विचारमंथन सुद्धा करण्यात येणार आहे. नवनियुक्त आमदार विनोदभाऊ अग्रवाल ,आमदार राजकुमार बडोले ,आमदार विजयभाऊ रहांगडाले ,आमदार संजयभाऊ पुराम, जिल्हा परिषद अध्यक्ष लायकराम भेंडारकर , जिल्हा परिषद उपाध्यक्ष, सोबतच सर्व सभापती यांचा सन्मान सुद्धा संघटनेच्या वतीने केला जाणार आहे. राज्याध्यक्ष विजय कोंबे ,राज्य नेते उदय शिंदे व राज्य सरचिटणीस राजन कोरेगावकर यांच्या प्रमुख उपस्थितीत शिक्षक बांधवांच्या विविध प्रलंबित जिल्हास्तरीय व राज्यस्तरीय मागण्या संदर्भात चर्चा करण्यात येणार आहे. तरी जिल्ह्यातील सर्व शिक्षक बंधू भगिनींनी बहुसंख्येने जिल्हा अधिवेशन व भव्य शिक्षण परिषद प्रेरणा कार्यशाळेत उपस्थित रहावे असे आवाहन संघटनेचे जिल्हाध्यक्ष संदीप तिडके, विभागीय अध्यक्ष किशोर डोंगरवार, जिल्हा नेते सुरेश रहांगडाले, सरचिटणीस संदिप मेश्राम, राज्य कार्यकारणी सदस्य शरद पटले, उपाध्यक्ष एच. एस.बिसेन, महिलाध्यक्ष ममता येडे , सरचिटणीस प्रतीमा खोब्रागडे, गौतम बांते,मुकेश रहांगडाले कार्याध्यक्ष,विनोद बडोले कार्याध्यक्ष,दिलीप नवखरे,उत्तम टेंभरे ,बी एस केसाळे ,कृष्णा कहालकर,दिनेश उके,राज कडव ,अशोक बिसेन, शोभेलाल ठाकूर,दिलीप लोदी, उमेश रहांगडाले ,सतीश दमाहे ,राजेंद्र बोपचे, सौ भारती तिडके यु.जी. हरीणखेडे, संजय बोपचे, के.जी रहांगडाले, गजानन पाटणकर, पूर्णानंद ढेकवार, दिनेश बिसेन, जीवन म्हशाखेत्री, आशिष कापगते,अनिल वट्टी, विलास डोंगरे, सुरेंद्र मेंढे, मिथुन चव्हाण, सेवकराम रहांगडाले, रतन गणवीर, रेवानंद उईके , विजेंद्र केवट,मीनाक्षी पंधरे, कु.स्नेहा रामटेके, सौ उत्तरा परदे, कु. सपना शामकुवर, कु. प्रेमलता बघेले, वंदना झो, देवीकिरण शहारे, कु.गीता लांडेकर, कु. रीता राऊत ,सौ खेमलता मोरघडे, मा उषा पारधी, मा. प्रिया बोरकर, कु. हिना बोपचे, कु. शारदा अंबादे, कु.मंजुश्री लढी, सुप्रिया तांदळे, कु. वनिता झोडे यासह समिती पदाधिकाऱ्यांनी केले आहे.
-: राज्यस्तरीय प्रमुख मागणी:-
‘शिक्षण सेवक कालावधी एक वर्षापर्यंत आणून मानधनात 40 हजार पर्यंत वाढ करणे’.
-:राज्यस्तरीय मागण्या:-
* १ नोव्हेंबर २००५ नंतर लागणाऱ्या कर्मचाऱ्यांना जुनी पेन्शन योजना लागू करणे.
* मुख्यालयाची अट शिथिल करणे.
* सरसकट पदवीधर शिक्षकांना वेतनश्रेणीचा लाभ देणे.
* रिक्त पदांवर शिक्षकांची लवकर भरती करणे.
* जीर्ण झालेल्या इमारतींकरता निधी उपलब्ध करून देणे.
* स्वयंपाकिन,मदतनिसांच्या मानधनात वाढ करणे.
* आंतरजिल्हा बदली शिक्षकांची सेवा जेष्ठता गृहीत धरणे.
* शिक्षकांकडून अशैक्षणिक कामे काढून अवास्तव प्रशिक्षण बंद करणे.
-:जिल्हास्तरीय मागण्या:-
* अतिरिक्त घरभाडे भत्ता थकबाकी अदा करणे.
* जिल्ह्यातील शिक्षकांचा जीपीएफ ऑनलाईन करने.
* चटोपाध्याय व निवड श्रेणी संदर्भातील सर्व प्रकरने निकाली काढणे.
* १५ व्या वित्त आयोगांमधून शाळांना अतिरिक्त निधी उपलब्ध करून देणे.
* विषय पदवीधर शिक्षकांना वेतनश्रेणीचा लाभ देणे.
* १ नोव्हेंबर २००५ पूर्वी जाहिरात असणाऱ्या शिक्षक बांधवांना जुनी पेन्शन योजना लागू करणे.
