गोंदिया : तालुक्यातील एकोडी येथील ग्राम पंचायत सदस्य नामदेव मोहन बिसेन यांनी शासकीय जागेवर अतिक्रमण करून घर बांधकाम केले. या प्रकरणाची तक्रार अर्जदाराने जिल्हाधिकारी गोंदिया यांच्याकडे केली होती. या प्रकरणाची दखल घेत अतिक्रमण करणारे ग्राम पंचायत सदस्यावर अपात्रतेची कारवाई ३१ डिसेंबर रोजी करण्यात आली होती. दरम्यान याविरोधात अपीलार्थी नामदेव बिसेन यांनी विभागीय आयुक्त नागपूर यांच्याकडे दादा मागितली होती. मात्र प्रकरणाची शहनिशा करून अप्पर आयुक्त डॉ. माधवी खोडे यांनी जिल्हाधिकाऱ्यांचा निर्णय कायम ठेवत अपिलार्थ्यांची अपिल फेटाळली. सविस्तर असे की, नामदेव मोहन बिसेन हे ग्राम पंचायत एकोडीचे सदस्य आहेत. सन २०२२ मध्ये झालेल्या पोटनिवडणुकीत ते वार्ड क्र. ४ येथून ग्रामपंचायतीवर निवडून गेले. ग्राम पंचायत सदस्य पदावर विराजमान असूनही त्यांनी सन २०२० मध्ये शासकीय गट क्र. १४८४ आराजी ०.०२ हे.आर. वर अतिक्रमण करून घर तयार केले आहे. सदर बांधकाम करताना त्यांनी शासकीय प्राधिकरणाची कसलीही परवानगी घेतली नसूनतलाठी रेकॉर्डप्रमाणे गाव नमुना १ ईमध्ये अतिक्रमणाची नोंद आहे. या संदर्भात ग्रा.प. सदस्य बिसेन यांनी ग्राम पंचायतमध्ये अपात्र फेरकार केले. त्यामुळे मालमत्ता क्र. ८२१ ग्राम पंचायत नमुना ८ मध्ये कराची नोंद आहे. तसेच अतिक्रमण करून तयार करण्यात आलेल्या घरात राहत आहेत. महाराष्ट्र ग्राम पंचायत अधिनियमचे कलम १४ (१) (ज-३) नुसार अतिक्रमणकर्ता सदस्य पद धारण करण्यास अनर्ह ठरविण्यात यावे, अशी तक्रार जिल्हाधिकाऱ्यांकडे अर्जदाराने केली होती. या तक्रारीची शहनिशा करून संबंधितांना यावर जाब विचारण्यात आला. दरम्यान केलेली चौकशी आणि पुराव्यात ग्राम पंचायत सदस्य नामदेव बिसेन यांनी अतिक्रमण केल्याचे समोर आले. त्यामुळे जिल्हाधिकारी यांनी ३१ डिसेंबर रोजी आदेश पारीत त्यांच्यावर अपात्रतेची कारवाई केली. दरम्यान या निर्णयाला आवाहन देत अपिलार्थी नामदेव बिसेन यांनी अप्पर आयुक्त नागपूर यांच्याकडे दाद मागितली होती. या प्रकरणी उपअधिक्षक भूमि अभिलेख, तलाठी व गावातील पंच तसेच नगर भूमापन यांनी दिलेल्या अहवालाची तपासणी करून या प्रकरणात अपिलार्थी नामदेव बिसेन यांना दोषी धरत अप्पर आयुक्त डॉ. माधवी खोडे यांनी अपिलार्थ्यांची अपिल फेटाळत. अप्पर जिल्हाधिकाऱ्याने दिलेले निर्णय कायम ठेवला. त्यामुळे बिसेन हे अपात्र राहणार आहेत.
